Ivana Alawi, na-prank muna ang kapatid na si Mona bago bigyan ng diamond ring

- Muli na namang na-prank si Mona Alawi ng kanyang mga kapatid na sina Ivana at Hash

- Inakala kasi ni Mona na halos ma-max out na ang kanyang credit card sa challenge na ginawa nilang magkakapatid

- Dalawang beses kasi nagamit sa mamahaling store ang card ni Mona kung saan kasabwat na nina Ivana ang mga cashier

- Bukod sa surprise gift ni Ivana kay Mona matapos ang prank, babayaran din umano niya ang nagamit nila sa credit card nito

Sa pinakabagong vlog ni Ivana Alawi sa kanyang YouTube channel, na-prank na naman nila ang bunsong kapatid na si Mona.

'Cashier picks card' challenge kasi ang ginawa nilang magkakapatid subalit kasabwat na nila ang mga cashier sa pupuntahan nilang store kaya ang card ni Mona ang talagang pipiliin ng mga ito.

Read also

Video ni Joshua Garcia na umano'y kasama si Emilienne Vigier, usap-usapan online

Sa umpisa ay napili pa ang card ng kapatid nilang si Hash para bumili ng nasa sampung kahon na pizza.

Subalit nang pumunta na sila sa mga mamahaling store, doon na napili ang card ni Mona.

Daan-daang libong piso ang na-charge sa card ni Mona na sinundan pa ng singsing na pumalo rin sa mahigit Php200,000.

Mapapansin sa mukha ni Mona ang pag-aalala gayung sa umpisa ng video, nasabi ni Ivana na hindi talaga palagastos ang bunsong kapatid.

Kaya naman nang sabihin na ni Ivana na babayaran pa rin niya ang mga nagamit sa card ni Mona, tila nahimasmasan ito.

Binigyan din siya ni Ivana ng dream luxury travelling bag nito at ang singsing pala na napili niya sa challenge ay ibinigay din niya kay Mona.

Narito ang kabuuan ng vlog:

Read also

Andrea Brillantes tungkol sa 'betrayal': "Hindi totoo 'yang second chances na 'yan"

Si Ivana Alawi ay unang nakilala nang sumali siya sa reality show na "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit 16.6 million ang kanyang mga YouTube subscribers.

Marami ang naaaliw sa vlog ni Ivana sa kanyang channel dahil sa kulitan nila ng kanyang pamilya. Makikita rin kasi dito ang kabutihan ng puso ni Ivana na hindi lang siya sa kanyang pamilya matulungin kundi lalo na sa mga kababayan nating kapos-palad.

Samantala, sa isang vlog niya kamakailan, nabanggit ni Ivana na may umaaway sa kanya sa isang recent show na kanyang nagawa. Aniya, hindi lang niya ito pinatulan at hindi na lang niya ito pinansin. Hindi rin niya kaya umanong makipagplastikan.

Source: KAMI.com.gh