Cristy sa tinawag niyang "Tamulmol": "Wala kang pakialam sumuka man sa kabusugan si Ion Perez

- Dinipensahan ni Cristy Fermin si Ion Perez sa vlogger na tinawag na lamang niyang si "Tamulmol"

- Hindi man pangalanan ngunit halos mabanggit na niya ang katauhan ng vlogger na ito base sa kanyang kontrobersyal na linya

- Ani Cristy, hindi talaga tama ang ginawa ng vlogger na animo'y pangmamaliit sa pagkatao ni Ion Perez

- Wala rin daw itong pakialam sa kung anumang paraan kumakain si Ion gayung hindi naman ito mula sa vlogger na umano'y bumabatikos sa kanya

Ipinagtanggol ni Cristy Fermin si Ion Perez sa vlogger na pinangalanan na lamang ni Cristy bilang si "Tamulmol".

Aniya, hindi tama na sabihan si Ion na umano'y palamonin gayung wala na raw itong pakialam sa ganitong mga bagay.

"Ako talaga, nung sabihin ng vlogger na ito na si Tamulmol, Tamulmol po ang tawag namin sa kanya...' Nung sabihin po niya na aanhin mo ang abs kung palamon ka naman ng bakla, nag-iisa po ako 'nun. Alam niyo po na tinutuligsa ko si Vice Ganda, tinutuligsa ko si Ion Perez. Pero 'nung mabasa ko po 'yung sinabi ng vlogger na 'yun, sobrang lungkot po ng puso ko na para po sa akin, pinakamababa na po na paglalarawan ng isang tao ang tawagin kang palamon na parang wala ka nang ginawang maganda sa bukay mo. At kung wala, yung bakla na tinutukoy na nagpapalamon sa'yo hindi ka na kakain. nalungkot talaga ako 'dun. Ayokong-ayoko 'yung ganu'n," ani Cristy.

Read also

Melai Francisco, naka-relate kay Gladys Reyes: "'Yung asawa ko kawawa din... Iniisip din ganyan"

"At ipagpalagay na, na si Ion Perez ay pakainin ng kaban-kabang bigas na iniluto nitong si Vice ganda. Inani man natin ang bigas dito sa Pilipinas, o inimporta sa iba-ibang bansa. Walang pakialam ang vlogger na ito at kahit sino dahil ang ginagawa na pagpapasaya ni Vice Ganda kay Ion Perez, ay bilang balik sa pagmamahal na ibinibigay sa kanya ni Ion," dagdag pa niya.

Pinayuhan din umano ni Cristy ang tinatawag niyang si "Tamulmol at sa pahayag niyang ito, tila nabanggit na niya ang pagkakakilanlan ng naturang vlogger.

"Ang puso ng Tamulmol na 'to wala pang direksyon. Dapat pagalingin muna niya ang kanyang nararamdaman bago siya makapagsalita ng tama. Isipin mo nga isang tao. Ni hindi mo nga pinakain ng isang butil na bigas, tinawag mo nang palamunin. Isang tao na kumakain sa anumang paraan na alam niya na hindi ka naapektuhan kung yang bigas mo na kung tawagin mo ay... motivational rice. Anong motibasyon 'dun? Na sa iba nanggagaling ang pagkain nung tao? Na inaano mo siya, masyado mo siyang minamaliit. Wala kang pakialam, sumuka man sa kabusugan si Ion Perez, tumabi-tabi ka diyan 'Wag kang makialam. At kung anuman ang kulang sa buhay mo, punuan mo. Gumawa ka ng paraan para mapuno. Palibhasa kulang ka sa pagmamahal," ani Cristy.

Read also

Rosmar, nabanggit sa vlog ni Alex G na Php50,000 ang bill nila sa kuryente

Narito ang kabuuan ng kanyang pahayag mula sa Showbiz Now Na YouTube:

Si Benigno Dungo Perez o mas kilala sa kanyang screen name na Ion Perez ay isang aktor, model, at TV host. Una siyang sumikat sa bansag na Kuya Escort sa Miss Q and A segment ng It's Showtime. Sa kasakuluyan ay isa siya sa mga regular host ng It's Showtime.

Ipinakita ni Ion ang kanyang pamamahagi ng biyaya sa kanyang mga kababayan sa Tarlac. Sa kanyang binahaging video ay umuwi siya sa kanilang lugar at namahagi ng bigas sa 50 na tao. Nagpakain din siya ng lugaw at sandwich bilang bahagi ng kanyang feeding program. Marami ang humanga sa kanya dahil sa kabila ng kanyang kasikatan ay hindi nito nakakalimutang magbahagi ng biyaya.

Pinakita din ni Ion ang kanilang naging biyahe papuntang Amerika kamakailan. Ito ay para sa series of concert ni Vice Ganda sa Amerika na pinamagatang "Fully Vicenated." Makikita sa video ang kanilang naging paghahanda bago ang kanilang flights hanggang sa makarating sila sa Los Angeles. Matatandaang sa mga naunang mga concert ni Vice Ganda ay nakasama niya na rin si Ion.

Source: KAMI.com.gh