Alex Gonzaga, pinakita ang picture ng kanyang ate sa aniya'y 'mother role' nito

- Binahagi ni Alex Gonzaga ang picture ng kanyang ate na si Toni Gonzaga habang nag-aalaga ito sa anak na si Polly

- Sa kanyang Instagram story ay binahagi ni Alex ang picture ng ate niya sa aniya'y mother role nito

- Makikita sa picture na hindi nakaayos si Toni at medyo magulo ang buhok habang kinakarga si Polly

- Nagbahagi rin siya ng video kung saan makikitang pinapadede ni Toni ang anak

Pinasilip ni Alex Gonzaga ang picture ng kanyang ate na si Toni Gonzaga. Karga nito ang anak na si Polly at walang masyadong ayos.

Binahagi din ni Alex ang isang video kung saan makikitang pinapadede ni Toni ang anak. Hindi naman masyadong makapg-ingay si Alex at mahina lang ang kanyang boses sa naturang video na binahagi niya sa Instagram story niya.

Read also

KC Concepcion, tinawag na 'fairytale come true' ang makasama niya ang mga magulang

Ang TV host-actress na si Alex Gonzaga ay unang sumikat sa mundo ng showbiz bilang nakababatang kapatid ni Toni Gonzaga. Isa siya sa maituturing na pinakamatagumpay na YouTuber sa bansa na mayroon nang mahigit 13.2 million na subscribers sa kasalukuyan.

Nagbiro si Alex tungkol sa isyung nag-resign siya sa episode ngayong araw ng Tropang Lol. Sa opening song pa lamang ng programa kung saan kumanta siya ay pabiro niyang isiningit ang "walang nag-resign." Ito ay sa gitna ng usap-usapang nag-resign umano siya lalo at wala siya noong unang araw ng back-to-back airing ng 'Tropang Lol' at 'It's Showtime.' Maging sa programa ni Cristy Fermin ay nabanggit na nag-resign si Alex sa programa kahit may isang buwang commitment pa umano itong natitira sa naturang programa.

Read also

Bea, binahagi ang paalala ng nanay niya: "You can never seduce a happy husband"

Nabanggit ni Alex sa kanyang podcast ang tungkol sa umano'y paninigaw sa kanya ng isang artista na nakatatanda sa kanya. Aniya, may mga pagkakataon na pinagmumukha siyang masama ng ibang tao dahil sa kanyang personality. Noong nasa 20s umano siya ay na-traumatize siya dahil sa ginawa sa kanya ng artistang ito at nagkwento pa umano at pinagmukha siyang masama. Ang akala umano nito ay galing siya sa bahay at late lang siya at hindi umano niya alam na galing siya sa trabaho.

Source: KAMI.com.gh