Andi Eigenmann, ibinida ang kanyang simple at masayang birthday celebration

- Ibinida ni Andi Eigenmann ang kanyang simple at masayang birthday celebration kasama ang kanyang pamilya at mga kaibigan

- Nagkatay sila ng pabo at isda para sa kanilang salo-salo sa pamamagitan ng boodle fight sa tabing dagat

- Ani Andi, nagkasakit sila ng kanyang mga anak kaya hindi sila nakapag-celebrate ng kanyang kaarawan

- Gayunpaman, sinigurado daw ng kanyang partner na si Philmar Alipayo na matuloy ang kanilang celebration

Ibinida ni Andi Eigenmann ang kanyang simple at masayang birthday celebration kasama ang kanyang pamilya at mga kaibigan. Nagkatay sila ng pabo at isda para sa kanilang salo-salo sa pamamagitan ng boodle fight sa tabing dagat.

Ani Andi, request niya na magpunta sa norteng bahagi ng Siargao at magluto ng pabo.

Marami ang natuwang muli sa pagbabahaging ito ni Andi ng kanyang simpleng buhay sa isla ng Siargao. Narito ang ilang komento:

Read also

Pura Luka Vega, muling gumawa ng ingay sa socmed dahil umano sa 'ostiya'

Di ko lubos maisip pano mo na adopt ang buhay sa probinsya,akala ko mga ilang years lang pero habang tumatagal mas lalo mong minahal ang buhay dyan.Pagdating ng panahon magiging madali sa mga anak mo ang buhay dahil naranasan nila pareho ang simple at marangyang buhay.Ang swerte nila dahil meron silang Inang katulad mo.

Andi you never fail to amaze us.... kudos to philmar.... may the Lord our God in Christ Jesus will continue to bless your entire circle of family.

Kakahanga si Andi. Inadapt na nya talaga ang simpleng buhay isla. Iniwan nya showbiz for simple life with her partner and beautiful kids.

Si Andi Eigenmann ay isang, product endorser at movie star. Siya ay nagmula sa prominenteng angkan ng mga artista ng mga Eigenmann. Anak sya ng award-winning aktres na si Jaclyn Jose at Mark Gil.

Read also

Lea Salonga, ipinaliwanag sa fans ang protocol sa pagpasok sa dressing room

Marami ang natuwa sa bagong video na binahagi ni Andi sa kanilang YouTube channel kung saan binahagi niya ang kanilang bonding moment kasama ang mga anak na sina Ellie, Lilo at Koa sa kanilang bakuran. Gumawa sila ng kanilang DIY experiment na rocketship at makikita ang tuwa sa kanilang mga mukha sa simpleng libangan nila. Marami ang lalong humanga sa simpleng kasiyahan ng mag-iina sa kanilang bahay sa Siargao.

Pinakita ni Andi sa kaniyang bagong vlog episode ang kanilang karaniwang ginagawa kapag sila ay nasa Siargao. Sa unang bahagi ng video ay makikita si Ellie na kasama ang kapwa niya kabataan na may dala-dalang sako. Mas pinili umano nitong sumama sa mga kaibigan para mamulot ng basura at nagsabing susunod na lang sa kanyang ina sa isang surf resort. Marami naman ang natuwa na sa murang edad nito ay may malasakit ito sa kapaligiran.

Source: KAMI.com.gh