Beks Battalion, napaiyak ang kanilang videographer sa kanilang prank

- Sinorpresa nina MC Muah, Lassy at Chad Kinis ang kanilang videographer para sa nalalapit nitong kaarawan

- Gayunpaman, bago nila ibinigay ang kanilang sorpresa ay isang prank muna ang pinaranas nila dito

- Pinalabas nila na kailangan na nilang magpalit ng team kaya huling vlog na lang umano nila ang kanilang gagawin

- Naiyak ang kanilang videographer dahil aniya ay napamahal na sa kanyang ang Beks Battalion na dalawang taon na rin niyang nakakasama

Sinorpresa ng Beks Battalion ang kanilang videographer na dalawang taon na ring nagtatrabaho sa kanila. Bago pa nila ibigay ang kanilang regalo ay pinalabas nilang magpapalit sila ng team kaya huling vlog na lang umano nila ang kanilang gagawin.

Hindi napigilang maiyak ng videographer nilang si Jayson dahil aniya ay nakasanayan niya nang sila MC, Lassy at MC ang lagi niyang nakakatrabaho sa loob ng kanilang dalawang taon.

Read also

Lie Reposposa, kinaaliwan sa mga videos niya kasama ang boyfriend

Aniya, napamahal na sa kanya ang tatlo. Ani Jayson, naiintindihan naman niya ang lahat ngunit hindi niya mapigilang malungkot.

Kinalaunan ay nilabas na ni Chad ang birthday cake nila para kay Jayson. Matapos kantahan ay binigay din ni Chad ang P30,000 na regalo nila para sa kanilang videographer.

Ang Beks Battalion ay binubuo nina Chad Kinis, Lassy at MC. Kabilang sila sa pinaka-tinatangkilik ngayon sa YouTube. Sila ay kabilang sa pinakaunang mga komedyanteng pinasok ang paggawa ng content sa YouTube.

Na-prank ni Francine Diaz ang Beks Battalion sa binahagi niyang vlog. Isa-isang pinakitaan ni Francine ng kamalditahan ang tatlo para sa kanyang "Attitude prank". Makikita sa mga mukha nila ang pagtataka sa inaasal ni Francine lalo at lagi umano nilang pinapanuod ito at nais pa nilang makasama sa vlog. Payo naman ni Francine ay dapat laging maging humble dahil kahit sa simpleng pagbabalewala ay nakakaapekto sa ibang tao.

Naibahagi ng DonEkla in Tandem ang video nila matapos isapubliko ang kanilang balik-tambalan. Pinakita nila ang kanilang naging show nila kasama sina MC at Lassy ng Beks Battalion. Marami ang natuwa at naaliw sa muling pagsasama ng dalawa na pansamantalang tumigil gumawa ng content para sa kanilang YouTube channel na DonEkla in Tandem. Matatandaang nag-anunsiyo ang dalawa tungkol sa pagkakabuwag ng tandem nila dahil sa kanilang problema.

Source: KAMI.com.gh