Ogie Diaz: "Let's give Anthony and Maris Racal a chance"

- Tila nanawagan si Ogie Diaz na bigyang pagkakataon muli sina Maris Racal at Anthony Jennings

- Lalo na at mapapanood sila sa MMFF movie ni Vice Ganda na 'And the breadwinner is'

- Nasabi rin ni Ogie na mahuhusay na artista ang dalawa subalit pagdating sa showbiz ay nakikita rin maging ang personal na buhay ng mga aktor

- Hindi man nakakasama sa pag-promote ng pelikula, muli naman na silang nakasama sa movie poster ng nasabing pelikula.

Nagbigay ng pahayag si Ogie Diaz ukol sa mga kontrobersiyang kinahaharap ng mga aktor na sina Anthony Jennings at Maris Racal.

Ayon kay Ogie, nararapat lamang na bigyan ng pagkakataon sina Anthony at Maris na patunayan ang kanilang kahusayan sa pelikula at muling ipakita ang kanilang talento.

"Let’s give Anthony and Maris a chance. A second chance," pahayag ni Ogie. Ayon sa talent manager at komedyante, ang pelikula ay isang magandang pagkakataon para kay Maris at Anthony upang ipakita ang kanilang mga kakayahan sa pag-arte, at malaki ang posibilidad na makabawi sila mula sa mga negatibong komento na kanilang natamo.

Read also

John Prats, napa-throwback nang magkita sila ni Miko Samson

Dagdag pa ni Ogie, "Sabi nga nila pag napanood nila yung pelikulang ito, baka ma-redeem ni Maris at Anthony yung kanilang mga sarili kasi mahuhusay naman talaga silang umarte."

"'Yung nga lang, pasensya na kasi dito sa showbiz, hindi lang career mo ang tinututukan ng publiko. Maging personal mong buhay, kahit ayaw mo silang papasukin, papasok at papasok sila sa buhay mo. Kasi ganyan talaga," paalala niya.

Si Mariestella "Maris" Cañedo Racal ay isang 23 anyos na Pinay actress, singer-songwriter, host, vlogger at endorser. Una siyang sumikat noong 2014 matapos niyang sumali sa Pinoy Big Brother: All In. Nakarelasyon niya sa loob ng nasa limang taon ang Pinoy musician na si Rico Blanco.

Samantala, nakilala ang tambalan nilang 'MaThon' ni Anthony Jennings sa teleseryeng pinagbidahan nina Belle Mariano at Donny Pangilinan, ang 'Can't Buy Me Love'

Kamakailan, naging matunog ang kanyang pangalan matapos na isiwalat di umano ng ex-girlfriend ng ka-love team niyang si Anthony Jennings ang mga private message nila na labis na gumulantang sa publiko.

Read also

Ivana Alawi at Josh Mojica, ilan sa mga kilalang personalidad sa bagong video ni Esnyr

Kaugnay nito, isang product endorsement na ni Maris ang nagdesisyon na tapusin ang kanilang partnership sa aktres. Hindi na rin muna isinama umano sa media con ng And the breadwinner is si Maris at Anthony na sinasabing para makaiwas muna na mausisa tungkol sa mainit na isyu. Gayunpaman, isa sa mga proyektong inaasahang mapapanood ang tambalang MaThon ay ang seryeng Incognito na ipalalabas sa Enero 2025.

Source: KAMI.com.gh