OFW na nakaligtas sa COVID-19, nagpasalamat sa pag-aalaga ng mabait na amo

Saturday, July 17, 2021 at 11:45 PM by Marisse Gulferica

- Nakaligtas sa COVID-19 ang isang kababayan nating OFW sa Saudi Arabia

- Aminado man siyang labis siyang nangamba sa kanyang naging sitwasyon, malaki ang pasasalamat niya sa kanyang amo

- Iniisip niya rin kasi ang mga anak na kanyang binubuhay kaya naman pinilit niyang lumaban at siya nga ay gumaling

- Tulad ng ibang mga OFW, matinding sakripisyo talaga ang kanyang ginagawa masiguro lamang ang mas magandang kinabukasan para sa kanyang mga anak

PAY ATTENTION: Click "See First" under the "Following" tab to see KAMI news on your News Feed!

Ibinahagi ng overseas Filipino worker na si Jeanny Marco ang buhay niya sa Saudi Arabia lalo na nang lumaganap ang COVID-19.

Nalaman ng KAMI na nagpositibo sa nasabing virus si Jeanny ngunit nalampasan naman niya ito.

43-anyos na si Jeanny at limang taon na siyang nasa abroad.

OFW na nakaligtas sa COVID-19, nagpasalamat sa pag-aalaga ng mabait na amo — Photo: Jeanny Marco
Source: UGC

Masasabing maswerte raw siya sa kanyang mga amo na mababait at hindi madamot lalo na pagdating sa pagkain.

Read also

Senior HS, nagbenta ng artworks para maka-graduate; mabibigyan pa ng scholarship

Napatunayan din daw niya ito nang tamaan siya ng COVID-19. Kinakitaan daw niya talaga ng pagmamalasakit ang kanyang mga amo hanggang sa tuluyan siyang gumaling.

Sampung araw din umano siyang na-quarantine at sa loob ng mga araw na iyon, ang amo niya ang nagbibigay sa kanya ng pagkain at gamot.

Kaya naman ganoon na lamang ang pasasalamat ni Jeanny sa mga amo lalong lalo na at nais niya talagang gumaling para sa kanyang pamilya na siya lamang ang inaasahan.

"Nag-positive po ako sa COVI.thanks God ok na po ako ngayon at saka sobrang hirap po kasi ang baba ng palitan sa peso. Medyo masakit sa katawan may sipon at ubo. 10 days quarantine ko po. Inom lang po ako lemon at luya tatlong beses sa isang araw pag inom ko po. Dasal din para gumaling agad po ako. Alaga naman po ako ng amo ko po, binilhin po ako vitamins at gamot. Thanks God nalampasan ko po."