Tagalog

Traffic enforcer nagsampa ng kaso laban sa babaeng driver na abogado sa Cavite

Sunday, August 24, 2025 at 10:48 PM

by Glory Mae Monserate

3 min read

Traffic enforcer Michael Trajico nagsampa ng direct assault laban sa babaeng driver matapos ang tensiyosong engkuwentro sa Cavite
Kinailangan niyang sumampa sa hood ng kotse matapos biglang paharurutin ng babae ang sasakyan
Halos 15 minuto siyang nakakapit sa umaandar na kotse bago ito huminto sa bahay ng driver
Nadiskubre ng mga awtoridad na abogado ang driver na umiiwas sa simpleng traffic violation

PAY ATTENTION: stay informed and follow us on Google News!

Isang traffic enforcer sa Kawit, Cavite ang nagsampa ng kasong direct assault laban sa isang babaeng driver matapos ang nakakatensiyong insidente kung saan napilitan siyang sumampa sa hood ng sasakyan para hindi masagasaan. Ang enforcer ay kinilalang si Michael Trajico.

Traffic enforcer nagsampa ng kaso laban sa babaeng driver na abogado sa Cavite (📷Philnews)
Source: Facebook

Ayon kay Trajico, sinita niya ang babae matapos umanong sumayad sa isang tricycle ang minamanehong kotse nito. Subalit sa halip na makipag-ayos, bigla raw paharurot ang driver na nagdulot ng panganib sa kanya.

“Sabi ko ate itigil mo—ate tigil mo. Kaysa naman maipit ang paa ko, sumampa na ako. Tapos tumakbo siya ng matulin,” pag-alala ng enforcer.

Read also

Bayanihan para maihatid ang kabaong sa kabilang pampang dahil sa kawalan ng tulay, viral

Naging nakakatakot ang sumunod na mga sandali para kay Trajico. Halos 15 minutong nakakapit siya sa hood habang mabilis na tinatahak ng kotse ang kalsada. Nakuhanan pa ng CCTV ang eksena na agad kumalat online at ikinabahala ng publiko.

Like and share our Facebook posts to support the KAMI team! Share your thoughts in the comments. We love reading them!

Sa halip na huminto sa gitna ng kalsada, dumiretso pa ang babae hanggang sa makarating sa kanilang bahay. Doon lamang nakababa si Trajico at muli niyang sinubukang hingin ang lisensya ng driver. Subalit tumanggi ang ina ng babae at iginiit na wala nang dapat gawin dahil nasa kanilang bahay na sila.

Nang magsagawa ng imbestigasyon, nadiskubre ng mga awtoridad na ang babae ay isang abogado. Ikinagulat ito ni Trajico at ng kanyang mga kasamahan dahil ayon sa kanila, inaasahan sana na ang isang taong bihasa sa batas ang unang magpapakita ng respeto rito.

Agad nagsampa ng kasong direct assault laban sa driver si Trajico. Bukod pa rito, naglabas din ng show cause order ang Land Transportation Office (LTO) upang ipatawag ang driver at pakinggan ang panig nito. Hanggang ngayon, ayon sa pulisya, wala pa ring tugon mula sa abogado.

Read also

14-anyos na babaeng estudyante, patay matapos aksidenteng madikit sa live wire

Paliwanag ng mga pulis, simple lamang sanang violation ang dapat na hinarap ng driver. Kung hinarap nito nang maayos ang insidente, hindi sana nauwi sa mas seryosong kaso.

Sa kabuuan, paalala ng mga awtoridad na mahalaga ang pagsunod sa batas trapiko at pagbibigay-galang sa mga traffic enforcer. Ang mga enforcer ay naroon upang magpanatili ng kaayusan at kaligtasan sa kalsada. Kapag iniiwasan at nilalabanan sila, hindi lamang sila ang nalalagay sa panganib kundi pati na rin ang ibang motorista.

Ang mga traffic enforcer ay isa sa mga unang nakaharap ng mga motorista araw-araw. Trabaho nilang siguraduhin na nasusunod ang mga alituntunin sa kalsada para sa kaligtasan ng lahat. Sa kabila nito, madalas silang makaranas ng init ng ulo at agresibong reaksyon mula sa mga nahuhuli. Ang insidente sa Cavite ay muling nagpapaalala kung gaano kahalaga ang respeto at pakikipag-cooperate sa mga otoridad ng trapiko.

Kaugnay nito, iniulat ng Kami.com.ph na mismong ang insidente ni Michael Trajico ay nakunan sa CCTV at nagdulot ng matinding diskusyon online. Marami ang kumampi sa enforcer na nagpakita ng tapang para lamang maiwasan ang mas malalang aksidente. Ang balitang ito ay nagbigay-diin din sa pangangailangang maging disiplinado ang mga motorista.