Car owner, ibinahagi ang pagkadismaya matapos magliyab ang sasakyan at walang tumulong

• Ayon kay Micko Juuichi, walang tumulong habang nasusunog ang kanyang sasakyan at tila mas inatupag ng mga tao ang pagre-record ng insidente
• Nangyari umano ang insidente noong July 31, 2025 sa Zapote Road, tapat ng terminal patungong Alabang at Baclaran
• Sinabi ng may-ari na walang nag-abot ng tubig, fire extinguisher, o tumawag ng awtoridad sa kabila ng kanyang pakiusap
• Sa kaniyang salaysay, karamihan umano sa crowd ay nanood lang habang unti-unting tinupok ng apoy ang kaniyang kotse

Isang insidente ng pagkasunog ng sasakyan ang naganap sa Zapote Road noong Hulyo 31, 2025, at umani ito ng matinding reaksiyon online matapos maglabas ng saloobin ang may-ari ng sasakyan. Ayon kay Micko Juuichi, siya ay nagmamakaawa para sa tulong habang unti-unting tinutupok ng apoy ang kanyang kotse, subalit aniya'y wala ni isa mang lumapit upang tumulong.

Ang nasabing insidente ay nangyari sa tapat ng isang abalang jeepney terminal na karaniwang puno ng pasahero. Habang hinihiling niya na sana’y may mag-abot ng tubig, fire extinguisher, o tumawag man lang sa otoridad, ikinagulat umano niya na mas pinili raw ng ilan na kunan ng video ang nangyayari. “Car ko po ‘yan wala man lang tumulong to extinguish the fire all of them holding their phone filming my car burned. Nagmamakaawa ako sa kanila help me pero walang tumulong,” aniya sa isang viral post.

Read also

Kim Rodriguez, nanatiling tikom ang bibig sa isyung may karelasyong politiko

Sa video na nai-post online, makikita ang nasusunog na kotse habang may mga taong nakatayo sa paligid. Hindi malinaw kung mayroong tumawag ng tulong sa mga awtoridad o kung agad bang may nagtangkang rumesponde. Gayunpaman, base sa salaysay ni Juuichi, tila naiwang mag-isa siya sa sitwasyon habang ang karamihan ay abala sa pagdo-dokumento ng insidente gamit ang kanilang mga cellphone.

Sa kabutihang-palad, walang nasaktan sa naturang sunog, ngunit tuluyang nawasak ang kanyang sasakyan. Patuloy pa rin ang pagtukoy sa sanhi ng apoy, at wala pang kumpirmasyon mula sa mga otoridad ukol sa pinagmulan nito.

Maraming netizens ang nagpakita ng suporta sa car owner at naghayag ng pagkadismaya sa umano'y kawalang-pakialam ng mga nasa paligid. Sa comment section ng kaniyang post, tinanong ng ilan kung paanong sa gitna ng ganitong emergency ay tila mas pinili raw ng marami na maging tagapanood kaysa tumulong.

Ang mga insidente ng sunog sa sasakyan ay maaaring dulot ng iba't ibang salik gaya ng electrical issues, fuel leaks, o overheating. Sa mga mataong lugar tulad ng Zapote Road, maaaring lumala agad ang sitwasyon kung walang agarang aksyon—lalo na kung walang fire extinguisher o access sa tubig. Kaya’t mahalaga ang awareness at preparedness sa ganitong klaseng emergency, hindi lang para sa biktima kundi pati na rin sa mga taong nakapaligid.

Read also

Isang kongresista, nahuling nanunuod ng e-sabong sa cellphone habang nasa plenaryo

Isang video ang kumalat online kung saan makikita ang mga pasahero ng isang bus na nagmamadaling lumabas habang unti-unting kinakain ng apoy ang sasakyan. Sa halip na tulungan ang mga pasahero, ilan sa mga nakapaligid ay naabutang nagre-record pa ng video. Ang eksenang ito ay kapansin-pansing kahawig ng reklamo ni Micko Juuichi kung saan ang pagkuha ng content ay tila nauuna sa pagbibigay ng tulong.

Ayon sa isang saksi, mabilis ang naging takbo ng mga pasahero palabas ng bus nang magsimulang lumiyab ang likurang bahagi nito. Habang may mga tumulong, may mga nanatili rin sa gilid at naglabas ng cellphone upang kuhanan ang pangyayari. Ipinapakita nito na may dalawang klase ng reaksyon sa sakuna—ang tumutulong at ang nanonood—isang kontrast na malinaw ring inilahad ni Juuichi sa kaniyang karanasan.

Source: KAMI.com.gh