Sen. Raffy Tulfo, naluha dahil sa napagbintangang Move It rider

- Hindi napigilang maluha ni Sen. Raffy Tulfo habang kinakausap ang Move It Rider at asawa nito sa kanyang programa

- Kaugnay ito sa kaso ng pamimintang ng isang pasahero na naging dahilan ng pagkawala ng trabaho at naapektuhan ang trabaho ng mag-asawa

- Bukod pa dito ay wala silang ibang inaasahan lalo at may anak pa silang binubuhay

- Humingi naman ng dispensa ang pasahero at inaming dala lang ng bugso ng damdamin niya ang post kung saan napagbintangan niya ang driver

Sa isang emosyonal na episode ng kanyang programa, hindi napigilang maluha ni Sen. Raffy Tulfo habang kinakausap ang Move It rider at ang asawa nito kaugnay sa isang insidente ng pamimintang.

Ang nasabing rider, kasama ang kanyang asawa, ay naglahad ng kanilang hinanakit matapos mapagbintangan ng isang pasahero na naging dahilan ng pagkawala ng kanyang trabaho. Ayon sa mag-asawa, labis na naapektuhan ang kanilang kabuhayan dahil dito, lalo na't mayroon pa silang anak na binubuhay.

Read also

Daniel Padilla, sinaway ang isang audience: "Yung nambabato ng bote dyan, tigilan mo yan"

Makikitang naluluha si Tulfo habang pinapakinggan ang masakit na karanasan ng mag-asawa.

Sa huli, humingi ng dispensa ang pasaherong nagpost ng maling akusasyon, inaming dala lamang ng bugso ng damdamin ang kanyang ginawa.

Umaasa si Sen. Tulfo na magiging aral ito sa lahat na maging maingat sa mga akusasyon, lalo na't maaari itong makasira ng buhay ng ibang tao. Patuloy naman niyang tinutulungan ang mag-asawa na makahanap ng bagong pagkakakitaan upang maipagpatuloy ang kanilang pamumuhay.

Bukod sa cash assistance, bibilhan din niya ng motor ang driver para magkaroon na rin ito ng kanyang sariling motor.

Si Rafael "Raffy" Teshiba Tulfo ay isang kilalang broadcast journalist at politiko sa Pilipinas. Nakilala siya sa kanyang programang "Raffy Tulfo in Action," kung saan tinutulungan niya ang mga ordinaryong mamamayan na may mga reklamo laban sa pang-aabuso at kawalang-katarungan. Noong 2022, nahalal siya bilang senador at itinataguyod ang mga batas na proteksyon para sa mga manggagawa at iba pang sektor.

Read also

Mag-asawang Danica Sotto at Marc Pingris, nagbabala matapos ma-hack ang kanilang IG

Matatandaang dumulog si Cherry White sa programa ni Sen. Raffy Tulfo. Ito ay para ireklamo si Boy Tapang kaugnay sa aniya'y paninira nito sa kanya sa kanyang live video sa social media. Ani Cherry White, mabait naman nung una si Boy Tapang pero palagi daw nilang pinag-aawayan ay ang pagseselos daw nito. Tumanggi na si Cherry White sa pakikipag-ayos kay Boy Tapang at mag-usap na lamang daw ang kanilang mga abugado.

Binahagi naman ni Madam Inutz ang picture niya kasama si Senator Raffy sa kanyang Facebook post. Kalakip ng kanyang binahaging picture ay ang mensahe niya sa hindi pinapangalanang tao. Sinisingil niya ito at nagbigay ng palugit kung hanggang kailan lang nito pwede bayaran ang pagkakautang. Matatandaang naging guest sa Idol Shopping Network si Madam Inutz kung saan nakilala niya nang personal si Sen. Tulfo Read.

Source: KAMI.com.gh