WVSU, naglabas ng statement tungkol sa viral post ng estudyante nila

• Isang graduate mula sa WVSU ang nag-viral matapos ibahagi ang karanasang hindi niya inaasahang sisira sa kanyang graduation day
• Sinita siya ng faculty at marshal dahil umano sa sapatos niyang may strap kahit ito ay kulay itim at closed shoes
• Inilahad niya ang hirap ng pagbili ng sapatos gamit ang sariling kita mula sa mga raket habang nag-aaral
• Naglabas na ng pahayag ang unibersidad na iimbestigahan ang isyu at rerepasuhin ang kanilang polisiya

Isang masaya sanang graduation day ang nauwi sa luha para sa isang estudyante ng West Visayas State University (WVSU) matapos siyang ilang beses sitahin dahil sa kanyang suot na sapatos.

Sa isang viral Facebook post, ikinuwento ng estudyanteng si Cybelle ang naging aberya sa kanyang sapatos na black close shoes na binili niya mula sa sariling kita. Ayon sa kanya, hindi raw tumugma ang disenyo ng kanyang sapatos—na may strap—sa sinasabing “plain black closed shoes” na in-anunsyo ng paaralan. Hindi niya raw inakalang ang sapatos na pinaghirapan niyang bilhin ang magiging dahilan ng pagkasira ng kanyang graduation moment.

"Hindi ko naman alam na yung sapatos na pinaghirapan kong bilhin ang sisira ng graduation ko," saad niya sa kanyang post.

Ibinahagi rin niya kung paano siya sinabihan ng isang faculty member at marshal na hindi aprubado ang sapatos niya. Tinanggal niya na raw ang strap ngunit hindi pa rin siya pinayagang makapasok. Sinubukan pa niyang dumaan sa ibang pintuan ngunit pinigilan siya ng guwardiya.

“Naiiyak ako. Pinalabas kami… Hanggang sa nakapasok ako ng ICON ulit kaso si nanay hindi na pinapasok kasi napabilang na kami sa late comers,” ani Cybelle.

Dagdag pa niya, nasaksihan din niya kung paanong ang ibang estudyanteng may sapatos na may kaunting design o strap ay pinayagan namang pumasok. Ang ganitong pangyayari ay nagdulot ng lungkot at pagkadismaya sa kanya

Sa dulo ng kanyang post, emosyonal niyang ikinuwento ang muling pagsita sa kanya habang nakapila na siya para tumanggap ng diploma. Napilitan siyang humiram ng sapatos sa kaklase para lang makakyat sa entablado. Ngunit kahit natuloy siya, hindi na raw niya muling nakuha ang saya na dapat sana ay dala ng araw ng kanyang pagtatapos.

Sa panahon ngayon ng social media, mabilis nag-trending ang post ni Cybelle. Hindi na lang ito simpleng rant, kundi naging simbolo ng karanasan ng maraming estudyanteng gaya niya—yung mga nagsusumikap sa kabila ng kakulangan, at umaasang may kaunting pagkilala sa kanilang pagsisikap. Sa ilang oras pa lamang matapos ang pag-post, umani ito ng libo-libong reaksyon, komento, at shares. Marami ang sumuporta sa kanya, nagpakita ng simpatya, at nanawagan para sa mas makataong polisiya sa mga seremonyang tulad nito.

"We are aware of the concerns raised online regarding a student’s graduation day experience. We deeply value our students’ voices and are currently looking into the matter. We thank everyone for their patience as we review our policies with compassion and fairness in mind."

Isang kwento ng tagumpay sa gitna ng simpleng pamumuhay ang viral post ng isang estudyante na piniling ipagdiwang ang kanyang graduation kasama ang mga lolo’t lola sa bukid. Sa halip na engrandeng salu-salo, mas pinili niyang i-share ang milestone sa mga taong sumuporta sa kanya sa tahimik at payak na paraan. Isa itong paalala na ang tunay na tagumpay ay hindi nasusukat sa seremonyas kundi sa mga taong kasama mo sa tagumpay.

Naglabas ng opisyal na pahayag ang Bestlink College matapos kumalat online ang ilang kaganapan sa kanilang school event. Ayon sa pamunuan, iniimbestigahan na nila ang isyu at tiniyak na tinitingnan nila ang bawat detalye upang maiwasan ang kahalintulad na insidente sa hinaharap. Patunay ito na sa panahon ng social media, mahalaga ang agarang tugon at pagiging transparent ng mga institusyon.

Source: KAMI.com.gh