OFW, brutal na pinaslang ng asawa sa harap mismo ng mga anak

- Si Zynnel Joy Pagaling, isang 34-anyos na OFW na bagong dating mula Riyadh, Saudi Arabia, ay malupit na pinaslang ng kanyang sariling asawa sa mismong tahanan nila sa Barangay Bagong Barrio, Guimba, Nueva Ecija, habang walang kalaban-laban sa harap ng kanilang tatlong anak

- Ang suspek na si Manuel Diaz-Mendoza, 40-anyos na residente ng Sta. Rosa, Nueva Ecija, ay sinasabing sinadyang hasain muna ang screwdriver na ginamit sa krimen bago paulit-ulit na inundayan ng saksak si Zynnel sa dibdib at tagiliran hanggang bawian ito ng buhay

- Sa gitna ng pagmamakaawa ng kanilang mga anak na huwag saktan ang kanilang ina, itinuloy pa rin umano ni Mendoza ang karumal-dumal na krimen habang walang nagawa ang mga bata kundi ang umiyak at manood sa sinapit ng kanilang ina

- Matapos ang insidente, nawawala rin ang ₱100,000 cash na dala ng biktima mula sa abroad, at ayon sa mga saksi, isang lalaking nakamotorsiklo ang nakita umanong umalis sa lugar habang ang bahay ay naiulat na magulo at nawawala ang wallet ng biktima

Isang nakapanlulumong trahedya ang yumanig sa Barangay Bagong Barrio, Guimba, Nueva Ecija, matapos brutal na paslangin ng isang lalaki ang kanyang asawang bagong dating mula sa Saudi Arabia. Kinilala ang biktima na si Zynnel Joy Pagaling, 34-anyos na Overseas Filipino Worker (OFW), na apat na araw pa lamang mula nang makauwi sa Pilipinas mula Riyadh.

Sa ulat ng Bombo Radyo Roxas, sinabi ina ng biktima na si Ferly Pagaling, sinadya umano ng suspek na si Manuel Diaz-Mendoza, 40-anyos, na hasain ang screwdriver bago paulit-ulit na saksakin si Zynnel sa dibdib at tagiliran. Naganap ang karumal-dumal na krimen sa harap mismo ng kanilang tatlong anak, na walang nagawa kundi ang sumigaw at magmakaawa sa kanilang ama na itigil ang pananakit.

Bukod sa pagkawala ng buhay ni Zynnel, nawawala rin ang tinatayang ₱100,000 na perang dala niya mula sa abroad. Ayon sa mga kapitbahay, may nakita silang lalaking sakay ng motorsiklo na umalis sa bahay ng biktima matapos ang insidente. Pagdating ng kapatid ni Zynnel sa lugar, nadatnan niyang magulo ang bahay at nawawala ang pitaka ng biktima.

Sa kasalukuyan, nasa kustodiya na ng Guimba Municipal Police Station si Mendoza habang patuloy ang imbestigasyon sa insidente. Hindi pa malinaw ang motibo sa likod ng krimen, lalo na't ayon sa pamilya ng biktima, wala silang alam na seryosong problema sa pagitan ng mag-asawa.

Ang mga Overseas Filipino Worker (OFW) ay tinaguriang mga bagong bayani ng bansa dahil sa kanilang sakripisyo na magtrabaho sa ibang bansa upang mabigyan ng mas magandang kinabukasan ang kanilang pamilya. Sa kabila ng pangungulila at hirap na dinaranas sa ibang bansa, patuloy silang nagsusumikap para sa kanilang mga mahal sa buhay. Ang trahedyang sinapit ni Zynnel Joy ay isang paalala ng mga panganib na maaaring kaharapin ng mga OFW, hindi lamang sa ibang bansa kundi maging sa sariling tahanan.

Isang Pilipinang domestic helper sa Kuwait ang iniimbestigahan kaugnay ng pagkamatay ng isang batang Kuwaiti. Ayon sa embahada ng Pilipinas sa Kuwait, nakikipagtulungan sila sa mga awtoridad upang matukoy ang buong katotohanan sa likod ng insidente. Ang kaso ay nagdulot ng pangamba sa hanay ng mga OFW sa nasabing bansa.

Natagpuan na ang bangkay ng isang Pilipinong OFW na ilang linggong nawawala sa Switzerland. Ayon sa mga awtoridad, patuloy pa rin ang imbestigasyon upang matukoy ang sanhi ng kanyang pagkamatay. Ang insidente ay nagdulot ng kalungkutan sa pamilya at komunidad ng biktima.

Source: KAMI.com.gh