2 bangkay, natagpuan sa loob ng mansion ng isang sikat na direktor
- Dalawang tao ang natagpuang patay sa isang mansion sa Southern California na inuugnay kay Rob Reiner
- Ayon sa mga ulat, isang lalaki at isang babae na nasa edad 70 pataas ang nakita sa loob ng bahay
- Hindi pa kinukumpirma ng pulisya ang pagkakakilanlan ng mga nasawi
- Ang pamilya ni Rob Reiner ang naglabas ng pahayag na pumanaw na siya at ang kanyang asawa
MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!
Source: Original
Dalawang tao ang natagpuang patay sa isang mansion sa Southern California na inuugnay sa direktor at aktor na si Rob Reiner noong Lunes, Disyembre 15, oras sa Pilipinas.
Ibinahagi ito ng local broadcaster na NBCLA at iba pang media outlet.
Ayon sa Los Angeles Fire Department, isang lalaki at isang babae na tinatayang nasa edad 78 at 68 ang natagpuang walang buhay sa loob ng bahay.
Dahil dito, naitalaga ang mga detective mula sa robbery-homic*de division upang imbestigahan ang kaso.
Like and share our Facebook posts to support the KAMI team! Share your thoughts in the comments. We love reading them!
Batay sa ulat ng NBC, kinumpirma ng mga kapitbahay at property records na sina Reiner at ang kanyang asawa ang nakatira sa naturang bahay.
Matatagpuan ang ari-arian sa mataas na uri ng komunidad sa Brentwood.
Hindi pa inilalabas ng pulisya ang pagkakakilanlan ng dalawang nasawi.
Sa isang press conference, sinabi ni LAPD Deputy Chief Alan Hamilton na hindi muna ibubunyag ang kanilang mga pangalan.
Dagdag niya, ang Los Angeles County coroner ang magbibigay ng karagdagang detalye sa tamang panahon.
Samantala, iniulat ng NBC News na may source na malapit sa pamilya Reiner ang nagsabing ang dalawang biktima ay nasaksak hanggang sa mamatay.
Kalaunan ng araw, naglabas ng pahayag ang isang kinatawan ng pamilya Reiner na nagsabing pumanaw na sina Rob Reiner at ang kanyang asawa na si Michele.
Ayon sa pamilya, labis ang kanilang lungkot sa biglaang pagkawala at humiling sila ng privacy sa gitna ng pinagdaraanan.
Sumikat si Reiner bilang si Michael Meathead Stivic sa sikat na sitcom noong dekada 1970 na All in the Family.
Kalaunan, pumasok siya sa pagdidirek matapos ang rock mockumentary na This Is Spinal Tap noong 1984.
Isa sa kanyang pinakakilalang pelikula ang romantic comedy na When Harry Met Sally na ipinalabas noong 1989 at pinagbidahan nina Billy Crystal at Meg Ryan.
Basahin ang artikulo na nilathala ng PhilSTAR Life dito upang malaman ang iba pang detalye tungkol sa kwentong ito.
Sa isang naunang ulat ng KAMI, isang pamilya na binubuo ng tatlo ay walang-awang pinagbabaril hanggang mamatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa kanilang tindahan, isinara ang roll-up door, at pinagbabaril ang buong pamilya. Bago tumakas, kinuha pa ng isa sa mga suspek ang isang bag at cellphone mula sa biktima. Ayon sa ulat ni Gary De Leon ng TV 5 na “Frontline Pilipinas,” nagsimulang makatanggap ng pagbabanta ang pamilya matapos nilang pautangin ng P1-M ang isang residente sa kanilang barangay, na umano’y ginamit ang pera para sa negosyo.
Sa isa pang viral na lokal na ulat, isang 51-anyos na teacher sa pampublikong paaralan sa Las Piñas City ang paulit-ulit na sinaksak ng sariling asawa. Batay sa ulat ni EJ Gomez ng “Unang Balita,” naganap ang krimen sa loob mismo ng faculty room ng paaralan. Ayon sa mga pulis, may guwardiya ang paaralan ngunit dahil kilala ang suspek sa lugar, madali nitong nagawang makapasok at makalabas. Ayon sa suspek, pumunta siya roon upang kausapin ang kanyang asawa at ayusin ang kanilang hindi pagkakaunawaan, ngunit nauwi ito sa matinding pagtatalo.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
