Mari Fowler, umapela sa fans na huwag patulan ang hate at fake news
- Nanawagan si Mari Fowler sa mga sumusuporta kina Toni Fowler at sa Toro Fam na huwag magpalaganap ng poot, pekeng balita o mga pasaring bilang tugon sa mga batikos na kinakaharap ng kanilang pamilya
- Hiniling niya sa supporters na ipagtanggol ang kanilang mga iniidolo kung kinakailangan ngunit iwasang makisali sa mga post, komento at isyung wala namang naitutulong sa sitwasyon
- Ibinahagi rin ni Mari ang isang audio recording na kuha umano matapos ang Facebook Live ni Tyronia Fowler, kung saan naging emosyonal ang anak ni Toni dahil sa natatanggap nitong mga batikos
- Kasabay nito, nagpahayag si Marie Fowler ng matinding emosyon sa mensaheng kasama ng recording at direktang sinabi sa mga taong aniya’y nasa likod ng pag-iyak ng kanilang anak na sana ay maging aral sa lahat ang nangyari
PAY ATTENTION: stay informed and follow us on Google News!
Naglabas ng panawagan si Mari Fowler sa mga tagasuporta ng kaniyang pamilya matapos ang sunod-sunod na usapin at reaksiyon online na kinasasangkutan nina Toni Fowler at anak nitong si Tyronia.
Source: Facebook
Sa Facebook post, hiniling ni Mari sa supporters nina Toni at ng Toro Fam na huwag pairalin ang galit sa kanilang mga ginagawa bilang tugon sa mga batikos at umano’y maling impormasyon na kumakalat online.
Aniya, nauunawaan niyang maaaring maging emosyonal ang mga tagasuporta, ngunit mas makabubuti umanong huwag nang dagdagan ang tensiyon sa pamamagitan ng pagpatol sa mga isyu.
“ATTENTION, EVERYONE 📢 Sa lahat ng sumusuporta kay Mommy Oni at Toro Fam, naiintindihan ko na nadadala kayo ng emotions, pero please don’t promote hate.”
PAY ATTENTION: Follow us on Instagram - get the most important news directly in your favourite app!
Partikular na binanggit ni Mari ang mga post at komento na may kaugnayan sa kontrobersiya. Hiniling niyang huwag sumali ang supporters sa mga diskusyong wala namang naitutulong sa pamilya.
“Kung may hate, fake news, or nagpaparinig sa atin, huwag natin silang patulan at huwag natin silang gayahin. Hindi porket ginagawa nila sa atin, gagawin din natin sa kanila.”
Dagdag pa niya, maaaring ipakita ng supporters ang kanilang suporta at depensa sa pamilya nang hindi kinakailangang maging mapanakit sa ibang tao.
“Please don’t join posts, comments, or issues na hindi naman makakatulong. Support us, defend us, but don’t become a hater.”
Kasunod nito, binanggit ni Mari ang mga taong sinasabi niyang patuloy na nagpapakalat umano ng fake news at gumagamit ng dummy o pekeng accounts.
“Sa mga patuloy na nagpapakalat ng fake news at gumagamit ng dummy/fake accounts, alam namin ang ginagawa nyo. Ayoko nang dagdagan pa ang busy schedule ko sa paghahanap at pagdemanda.”
Hindi na nagbigay si Mari ng karagdagang detalye tungkol sa mga partikular na account o kung mayroon nang isinagawang legal na hakbang kaugnay nito.
Sa huling bahagi ng kaniyang mensahe, muli niyang binigyang-diin ang panawagan niyang maging mahinahon ang mga tagasuporta.
“Hindi kailangang maging hater para maging supporter.”
Bukod sa kaniyang panawagan, ibinahagi rin ni Mari ang isang audio recording kung saan maririnig ang pag-uusap nina Toni at Tyronia matapos ang Facebook Live ng huli.
Naging emosyonal si Tyronia sa naturang live habang ibinabahagi ang kaniyang saloobin tungkol sa mga batikos na natatanggap niya kaugnay ng kontrobersiyang kinasasangkutan ng kaniyang ina.
Sa kaniyang naging pahayag, direktang nakipag-usap si Tyronia kay Jelai at iginiit na wala siyang ginagawang masama. Binanggit din niya ang umano’y mga pagtanggi ni Toni sa ilang brand dahil sa respeto nito kay Jelai.
“Ayun lang naman ang gusto kong i-clarify kasi bash na bash na po ako. Tinatry ko naman maging strong, pero bakit ganyan, Tita Jelai? Hindi man lang po ba kayo magsosorry sa akin? Kahit magkaroon lang kayo ng puso para gawin ’yun.”
Ibinahagi rin ni Tyronia na maayos siyang pinalaki ng kaniyang ina at sinabi niyang ayaw nitong maulit sa kaniya ang mga pagkakamaling nagawa nito noon.
“Pinalaki ako ng mommy ko nang maayos kasi ayaw niyang gawin ko ang mga ginawa niya sa past niya. Kasi ayaw niyang matulad ako sa kanya.”
Matapos ang naging live, tila naging mahalagang bahagi ng usapin ang epekto ng mga batikos kay Tyronia bilang anak. Sa audio na ibinahagi ni Mari, narinig naman ang pribadong sandali sa pagitan ng mag-ina.
Kasabay nito, naglabas si Marie Fowler ng hiwalay na mensahe na nagpapakita ng kaniyang saloobin tungkol sa pag-iyak ng kanilang anak.
“To the people behind our child’s tears, I hope you’re happy. You won”
Hindi na nagbigay ng karagdagang paliwanag si Marie sa naturang mensahe.
Ang panawagan ni Mari ay kasunod ng mga naging pahayag ng iba pang miyembro ng pamilya Fowler sa gitna ng kontrobersiya. Kabilang dito ang naging biro ni Toni matapos siyang makatanggap ng maraming mensahe ng suporta mula sa mga kaibigan at tagasuporta.
Mababasa ang kaugnay na ulat sa Toni Fowler, nagbiro matapos makatanggap ng mga mensahe ng suporta. Sa naturang ulat, ibinahagi ang reaksiyon ni Toni sa sunod-sunod na mahahabang mensaheng ipinadala sa kaniya. Ginawa niyang magaan ang sitwasyon sa pamamagitan ng isang biro sa kaniyang Facebook post.
Samantala, naging emosyonal naman si Tyronia sa kaniyang naging Facebook Live habang inilalahad ang kaniyang panig tungkol sa mga batikos. Isa sa kaniyang mga direktang mensahe ay ang pagtatanong kay Jelai kung ano pa ang nais nitong mangyari sa gitna ng isyu.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
