Mariel Padilla, muling umani ng reaksiyon sa pahayag tungkol kay Robin
- Muling kumalat online ang dating video ni Mariel Padilla kung saan ipinagtanggol niya ang asawang si Robin Padilla laban sa mga nagsasabing hindi ito kwalipikadong maging senador, kasabay ng mga batikos na muling kinakaharap ngayon ng senador
- Sa vlog ni Mariel noong 2022, iginiit niyang may pinag-aralan si Robin at binanggit ang kaniyang degree sa criminology, gayundin ang mga naging karanasan nito bago pa man siya mahalal bilang senador
- Binigyang-diin din ni Mariel ang naging papel umano ni Robin sa Philippine Army at sinabi niyang hindi siya sang-ayon sa mga nagsasabing hindi kwalipikado ang kaniyang asawa, bago muling kumalat ang video at umani ng reaksiyon
- Samantala, kinontra ni Atty. Jesus Falcis ang isang bahagi ng pahayag ni Mariel tungkol sa sinasabing batas na naipasa ni Robin habang nasa Bilibid, at ipinaliwanag niya ang kaniyang pagtutol sa naturang pahayag
Narito na ang paghahanap sa KAMI! Basahin ang mga balita tungkol sa iyong paboritong mga bituin sa pamamagitan lamang ng pag-type ng kanilang pangalan sa search bar!
Muling kumalat online ang isang dating video ni TV host-actress na si Mariel Padilla kung saan ipinagtanggol niya ang asawang si Robin Padilla laban sa mga kumukuwestiyon noon sa kaniyang kwalipikasyon bilang senador.
Source: Instagram
Naging usap-usapan muli ang naturang video kasabay ng mga batikos na natatanggap ngayon ni Robin, na muling nagbigay-pansin sa mga naging pahayag ni Mariel tungkol sa kaniyang asawa.
Ang video ay mula sa vlog ni Mariel noong 2022. Sa naturang vlog, tinalakay niya ang mga puna ng ilang tao na nagsasabing hindi kwalipikadong maging senador si Robin.
Ipinunto ni Mariel ang educational background ng kaniyang asawa.
PAY ATTENTION: Follow us on Instagram - get the most important news directly in your favourite app!
“Si Robin nakatapos ’yan ng college. Meron siyang degree sa criminology,” saad niya.
Binanggit din niya ang mga naging karanasan ni Robin bago pa man ito maging senador. Ayon kay Mariel, may mga naging gawain at responsibilidad ang kaniyang asawa na aniya ay nagpapakita ng kaniyang kakayahan.
“Next, si Robin, nung nasa bilibid nakapagpasa na ng batas. Without even being a senator.
“Sa tingin niyo ba ang Philippine Army bibigyan siya ng ganun kalaking role… responsibility sa Philippine Army na siya ang in charge sa communications at strategic planning kung sa tingin niyo hindi siya qualified?”
Sa naturang video, malinaw ang pagtutol ni Mariel sa mga nagsasabing hindi kwalipikado ang kaniyang asawa.
“So, sa mga nagsasabing hindi siya qualified, I beg to disagree. He is more than qualified,” sey pa niya.
Habang muling kumakalat ang lumang video, muling naging paksa rin ng diskusyon online ang mga pahayag ni Mariel, partikular ang kaniyang pagbanggit sa umano’y naging karanasan ni Robin bago siya naging senador.
Kabilang sa mga binanggit ng TV host-actress ang degree ni Robin sa criminology at ang kaniyang naging papel sa Philippine Army.
Gayunman, may isang bahagi ng pahayag ni Mariel na kinontra ni Atty. Jesus Falcis.
Sa isang post, binigyang-pansin ni Falcis ang sinabi ni Mariel tungkol sa sinasabing batas na naipasa ni Robin habang nasa Bilibid.
“❌ Mariel Rodriguez-Padilla: “Kahit nasa Bilibid si Robin nuon eh nakapasa siya ng batas.”
Robin Padilla did not pass a law while in prison. Hindi pa siya Senador nuon,” bwelta ni Falcis.
Dahil dito, naging bahagi rin ng muling pagtalakay sa lumang video ang pagtutol ni Falcis sa nasabing pahayag.
Matagal nang bahagi ng entertainment industry si Mariel Padilla. Nakilala siya bilang TV host at personality bago niya nakasama sa buhay si Robin Padilla.
Samantala, si Robin ay matagal na ring personalidad sa showbiz bago pumasok sa mundo ng pulitika. Naging aktor siya sa maraming pelikula at programa bago mahalal sa Senado.
Dahil sa magkaibang larangan na kanilang ginagalawan, madalas ding napapabilang sa entertainment news ang kanilang pamilya, bukod sa mga usaping may kaugnayan sa public life ni Robin.
Sa isang kamakailang ulat ng KAMI, naging tampok ang personal na dahilan ni Robin Padilla sa kaniyang hindi pagdalo sa State of the Nation Address ni Pangulong Ferdinand Marcos Jr. Ang naturang balita ay isa sa mga bagong ulat tungkol sa senador bago muling napansin online ang lumang video ni Mariel.
Samantala, naging tampok din sa KAMI ang pagdiriwang ni Mariel Padilla sa kaniyang ika-42 kaarawan. Sa naturang ulat, ibinahagi ang kaniyang simpleng birthday request, na nagbigay naman ng panibagong sulyap sa personal na buhay ng TV host-actress.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
