Kris Aquino, binati si Bea Alonzo kahit may pinagdadaanan sa kalusugan

• Kris Aquino, kahit may karamdaman, ay nagbigay ng birthday greeting kay Bea Alonzo sa Instagram post nito
• Binanggit ni Kris na updated siya sa love life ni Bea at sinabi na pamangkin niya ay malapit sa lalaking nakikilala ng aktres ngayon
• Ipinahiwatig ni Kris na posibleng magkita sila ni Bea matapos ang tatlo’t kalahating buwan, pagkatapos ng kanyang medical procedures
• Wala pang tugon mula kay Bea, pero tuwang-tuwa ang mga fans sa mensaheng puno ng pagmamahal at respeto mula kay Kris

Kahit patuloy na lumalaban sa kanyang mga karamdaman, hindi pinalampas ni Kris Aquino ang pagkakataong batiin si Bea Alonzo sa kaarawan nito. Ipinakita ng Queen of All Media na kahit may sakit, nananatili pa rin ang kanyang pagiging thoughtful at maalam sa mga tao sa industriya.

Sa isang komento sa Instagram post ni Bea kung saan ipinakita ng aktres ang kanyang birthday cake, nag-iwan ng mensahe si Kris na agad nagpainit ng puso ng mga tagahanga. Ayon kay Kris:

Read also

Dingdong, may nakakakilig na mensahe para kay Marian matapos ang kanyang bridal runway sa Vietnam

“Happy Birthday! My nephew is a close friend of the one you’re getting to know — your greetings reached me — thank you Bey… you’re as beautiful as ever. Hoping to see you in 3 & a half months.”

Bagama’t simple ang mensahe, ramdam ng mga netizen ang lambing at pagpapahalaga ni Kris kay Bea. Sa kanyang greeting, makikitang updated pa rin si Kris hindi lamang sa buhay ng kanyang mga kaibigan kundi pati na rin sa love life ng aktres.

Ayon pa sa pahayag ni Kris, ang kanyang pamangkin ay malapit daw sa “the one Bea is getting to know” — na agad namang inugnay ng mga faney sa kasalukuyang karelasyon ni Bea na si Vincent Co. Matatandaang malapit si Kris sa pamilya ng Co, kaya’t hindi nakapagtatakang may kaunting inside connection siya sa love story ni Bea.

Bukod sa pagbati, may pahiwatig din si Kris na matapos ang tatlo’t kalahating buwan, tila handa na siyang makipagkita kay Bea. Marami ang nagpalagay na ito’y senyales na malapit nang matapos ang ilan sa mga medical procedures na kasalukuyang isinasagawa ni Kris habang siya ay nagpapagamot sa ibang bansa.

Read also

Rachel Alejandro, emosyonal sa pag-alala sa yumaong amang si Hajji Alejandro

Wala pang tugon si Bea sa comment ni Kris sa oras ng pagsulat, ngunit positibo ang reaksyon ng kanyang mga tagahanga. Sa mga komento, maraming fans ang nagpasalamat kay Kris dahil sa kabutihan at malasakit na ipinakita nito sa kanilang idolo. Isa pang komento ng netizen ang nagsabing, “Kahit may sakit si Kris, naalala pa rin niya si Bea. Grabe, sobrang genuine.”

Si Kris Aquino ay kilalang TV host, aktres, at dating “Queen of All Media” sa Pilipinas. Sa mga nakaraang taon, naging limitado ang kanyang public appearances dahil sa kanyang autoimmune disease. Gayunman, patuloy siyang nagbibigay ng inspirasyon sa kanyang mga followers sa social media.

Samantala, si Bea Alonzo ay isa sa mga pinakatanyag na aktres sa bansa. Kamakailan lamang ay nagdiwang siya ng kanyang kaarawan, kung saan ipinakita niya ang suporta at pagmamahal ng kanyang staff at mga tagahanga.
Sa ulat ng Kami.com.ph, emosyonal na nagpasalamat si Bea Alonzo sa kanyang staff na naghanda ng sorpresa bago pa man sumapit ang kanyang kaarawan. Ayon sa aktres, labis niyang na-appreciate ang gesture dahil ramdam niya ang tunay na pagmamahal mula sa mga taong nakapaligid sa kanya.
Sa isa pang ulat ng Kami.com.ph, nagsalita si Bea tungkol sa kumakalat na larawan niya online. Bagama’t hindi niya diretsong kinumpirma ang detalye sa likod nito, ipinakita ng aktres na kalmado siya at marunong humarap sa intriga, na lalong hinangaan ng kanyang mga tagahanga.

Source: KAMI.com.gh