Slater Young, pumalag nang akusahan siya bilang isang government contractor: "Don't me"

• Si Slater Young ay nagbigay-linaw kamakailan sa social media
• Inakusahan kasi siya na isang government contracto ng netizen
• Aniya Slater, 20 years na siya sa construction pero wala pa rin siyang luxury car
• Bukod pa rito ay pinakita rin niya ang reaksyon ng kanyang misis sa viral na isyu

Si Slater Young, isang dating aktor at ngayon ay kilala sa mundo ng entrepreneurship, ay nagbigay-linaw kamakailan sa social media matapos siyang akusahan ng isang netizen bilang umano'y "government contractor" kaugnay ng mga isyu sa flood control projects sa bansa.

Sa kanyang Instagram page, ibinahagi ni Slater ang screenshot ng isang komento mula sa netizen na nagsabing: "Did you also benefit from Filipino people's tax money? I am disappointed."

Mariing itinanggi ni Slater ang paratang at agad nilinaw ang sitwasyon. "I do not have any government projects," ani niya sa kanyang repost na pumukaw sa atensyon ng marami.

Read also

Derek Ramsay, umalma sa fake news tungkol kay Ellen Adarna at sa anak nila

Sa kanyang Instagram story, mas pinaigting pa ni Slater ang kanyang paglilinaw at pagbibigay ng context sa kanyang piniling career matapos ang showbiz. "20 years na ako sa construction, wala pa rin akong Rolls Royce, ayaw kog damaya," saad niya, sabay sabi na wala nga siya kahit isang luxury car na ginagamit o pwedeng magamit na magiging bunga ng kanyang pagtatrabaho.

Dagdag pa niya, pati payong na ginagamit niya ay pawang giveaways lamang mula sa mga bangko. "Akong payong sa sakyanan give away ras bangko. Don't me," ani pa niya online.

Sa pagtatapos, ibinahagi rin ni Slater ang screenshot ng usapan nila ng kanyang asawa na si Kryz Uy, kung saan pabirong nag-react ito sa isyu. "Lavish diay akong lifestyle? Di man gani ko mu flush ug usa ka ihi," ani Kryz na sinagot naman ni Slater ng, "Sorry gidamay taka love, @kryzzzie."

Read also

Tribute ni Ara Davao para sa kanyang yumaong ama na si Ricky Davao, nagpaantig online

Sa kabila ng mga akusasyong ipinupukol laban sa kanya, nanindigan si Slater na malinis ang kanyang pangalan at walang kinalaman sa anumang proyektong pinopondohan ng gobyerno.

Si Slater Young ay isang Filipino engineer, entrepreneur, at dating aktor na nakilala matapos siyang tanghaling Big Winner ng Pinoy Big Brother: Unlimited noong 2012. Matapos ang kanyang panalo, sumabak siya sa mundo ng showbiz. Gayunpaman, hindi nagtagal ang kanyang pagtutok sa pag-arte dahil mas pinili niyang bumalik sa kanyang propesyon bilang engineer. Sa kasalukuyan, si Slater ay mas kilala bilang isang entrepreneur at content creator. Pinakasalan niya rin ang content creator na si Kryz Uy at sila ay may tatlong anak na lalaki. Aktibo rin silang mag-asawa sa paggawa ng content sa kanilang channel, kung saan ibinabahagi nila ang kanilang buhay. Si Slater ay hinahangaan hindi lamang sa kanyang pagiging matalino at masipag, kundi pati na rin sa pagiging hands-on family man para kina Kryz at sa kanilang mga anak.

Read also

Pokwang, nakatanggap ng sweet birthday message mula sa kanyang anak na si Mae Subong

Sa nakaraang ulat ng KAMI noong 2024, isinilang ng asawa ni Slater Young na si Kryz Uy ang kanilang Baby No. 3. Sa YouTube, nag-upload si Kryz ng 27-minute vlog tungkol sa kanyang birth journey. Ayon kay Kryz, dumating na rin sa wakas ang sandaling matagal na niyang hinihintay at pinaghandaan. Hindi na nakapagtataka na umani ng positibong komento ang vlog.

Samantalang noong 2023, kinatuwaan ng mga netizen sa social media sina Slater Young at si Kryz Uy dahil sa kanilang reel. Sa kanyang Instagram, nag-post si Slater ng video matapos agawin ng kanyang asawa ang cellphone niya. Agad naman niyang ipinakita ang nakakaaliw at nakakatawang pagbabago na ginawa ni Kryz sa kanyang lock screen at home screen.

Source: KAMI.com.gh