Chad Kinis, emosyonal sa pa-block screening niya ng 'And the breadwinner is'

• Hindi mapigilang maging emosyonal ni Chad Kinis sa kanyang pa-block screening sa pelikulang 'And the breadwinner is'
• Aniya, regalo na niya rin ito para kay Vice Ganda ngayong Kapaskuhan
• Present ang ibang cast at mga kaibigan ni Chad na sina MC Muah at Lassy
• Naroon din sina Donita Nose at Zeinab Harake na naimbitahan ni chad para manood

Mugto ang mata ni Chad Kinis matapos na mapanood ang pelikulang 'And the Breadwinner is.'

Naisipan ni chad na magpa-block screening sa kanyang mga kaibigan bilang regalo na rin sa kanilang Meme Vice Ganda na siyang bida sa nasabing pelikula na kalahok sa Metro Manila Film festival ngayong taon.Naisipan ni chad na magpa-block screening sa kanyang mga kaibigan bilang regalo na rin sa kanilang Meme Vice Ganda na siyang bida sa nasabing pelikula na kalahok sa Metro Manila Film festival ngayong taon.

Ayon kay Chad, sobrang naka-relate ang karamihan ng mga nanood lalo na iyong mga breadwinner na tulad niya.

Read also

Lolit Solis, napagpasyahang hanggang December 31 na lang ang IG niya

Dumating din sa naturang block screening sina Lassy at MC Muah na bahagi rin ng pelikula.

Ayon kay Lassy, halos limang beses na niyang napanood ang kanilang pelikula subalit maging siya ay paulit-ulit na nagiging emosyonal din.

Samantala, naroon din sa naturang block screening sina Donita Nose at maging si Zeinab Harake na aminadong nagpipigil din umano sa pag-iyak.

Narito ang kabuuan ng mga kaganapan sa handog na block screening ni Chad Kinis mula sa kanyang YouTube channel:

Si Chad Kinis ay isa sa mga kilalang komedyante sa Pilipinas. Bahagi siya ng grupong Beks Battalion kung saan kasama niya sina Lassy at MC Muah. Sumikat sila sa kasagsagan ng pandemya gayung isa ang grupong 'Beks Battalion' sa mga nagbibigay saya sa mga tao sa pamamagitan ng mga nakatutuwang videos sa kanilang YouTube channel. Matatatandaang siya ang itinanghal na kauna-unahang nanalo sa Last one Laughing Philippines.

Kilala rin si Chad sa kabutihan ng kanyang puso sa pagtulong sa mga taong nangangailangan lalo na noong panahon ng pandemya. Matatandaang minsan din niyang naibahagi ang pagmamahal at suporta sa kanyang pamilya lalo na sa kanyang kapatid nang isilang nito ang kanyang pamangkin. Halos akuin na umano noon ni Chad ang pagiging ama dito.

Read also

Aga Muhlach, kinapos umano ng puntos para ma-nominate sa MMFF awards

Isa ring patunay dito ay ang naibahagi ni Ogie Diaz kung saan isa umano si Chad sa mga consistent na nagbibigay ng tulong sa kanilang Dugong Alay, Dugtong buhay at isa pa umanong foundation na kanilang sinusuportahan.

Source: KAMI.com.gh