Dennis Trillo, binigay ang napanalunang P100K sa mga PDL

• Ipinamahagi ni Dennis Trillo ang P100,000 cash prize mula sa kanyang Best Actor win sa MMFF 2024 sa mga Persons Deprived of Liberty (PDL)
• Si Jennylyn Mercado ang nagmungkahi na i-donate ang premyo ayon sa talent manager na si Jan Enriquez
• Ang donasyon ay gagamitin para sa mga simpleng kahilingan ng PDL tulad ng damit, sapatos, at diapers sa ilalim ng "Tree of Hope" initiative
• Naging inspirasyon ang kabutihang-loob ni Dennis na sumasalamin sa mensahe ng pelikulang Green Bones na nanalo ng anim na parangal sa MMFF

Pinatunayan ng aktor na si Dennis Trillo ang kanyang malasakit sa kapwa matapos ipamahagi ang P100,000 cash prize na napanalunan niya bilang Best Actor sa 2024 Metro Manila Film Festival (MMFF) "Gabi ng Parangal." Ayon sa talent manager na si Jan Enriquez, ang donasyon ay gagamitin para sa mga Persons Deprived of Liberty (PDL).

Sa isang social media post, ibinunyag ni Enriquez na si Jennylyn Mercado, ang asawa ni Dennis, ang nagmungkahi na i-donate ang premyo. "Iaabot ko na dapat kay Jen, then sabi ni bessie, 'bessie, i-donate na lang natin iyan sa mga PDL,'" ani Enriquez. Agad namang iniabot ang pera kay Rubio, na may direktang koneksyon sa mga PDL, upang matulungan ang kanilang pangangailangan.

Read also

Ara Mina at Cristine Reyes, magkasamang binatayan ang mommy nila na isinugod sa ospital

Idinagdag pa ni Enriquez na ang donasyong ito ay gagamitin upang matupad ang simpleng kahilingan ng mga PDL, tulad ng bagong damit, sapatos, o diapers para sa kanilang mga anak. Ang aktwal na donasyon ay gagamitin din para sa "Tree of Hope," isang inisyatibo sa isang pasilidad.

Ang tagumpay ni Dennis Trillo bilang Best Actor ay isa lamang sa anim na parangal na naiuwi ng Green Bones mula sa MMFF. Ang pelikula ay nagwagi rin ng Best Supporting Actor (Ruru Madrid), Best Screenplay (Ricky Lee at Angeli Atienza), Best Cinematography (Neil Daza), at Best Child Performer (Sienna Stevens).

Pinasalamatan ni Enriquez si Dennis para sa kanyang kabutihang-loob, sinabing tunay na isinasabuhay nito ang mensahe ng kanilang pelikula. Ayon kay Enriquez, "Thanks for your kindness, Dennis! You truly embody our movie's main message."

Si Jennylyn Mercado ay isang Kapuso actress na nakilala matapos niyang manalo sa talent search na Starstruck ng GMA-7. Bukod sa pagiging aktres, nakilala din siya bilang isang mang-aawit, recording artist at product endorser. Sa kabila ng kanilang nakaraan, maganda ang relasyon ni Jennylyn sa asawa ng kanyang ex na si Patrick na ama ng kanyang anak na si Alex Jazz. Kaya naman marami ang natutuwa sa mga bonding moments nila na ibinabahagi nila sa social media.

Read also

Pagtanggap ni Ruru Madrid ng MMFF Best Supporting Actor award, viral

Kinaaliwan si Dennis Trillo sa kanyang kakulitan sa kanyang mga TikTok videos. Sa kanyang ibinidang video kung saan gumamit siya ng 'Manny Pacquiao filter, kinanta pa niya ang isang linya ng awitin ng Pambansang Kamao. Sa isa pa niyang TikTok video ay ginamit naman niya sa kanyang anak na si Dylan ang naturang filter. Maririnig naman sa video na hindi mapigilan ng misis niyang si Jennylyn na matawa sa kanyang ginawa.

Ibinahagi ni Jennylyn Mercado ang ilang throwback pictures mula sa kanyang ika-18 kaarawan. Makikita sa mga ito na naroroon ang kanyang asawang si Dennis Trillo na nakasayaw pa niya. Nakalagay sa isa sa kanyang mga post na tila maging siya ay hindi naisip na ito ang kanyang makakatuluyan.

Source: KAMI.com.gh