Jennylyn Mercado, nagbahagi ng throwback picture mula sa kanyang debut

- Ibinahagi ni Jennylyn Mercado ang ilang throwback pictures mula sa kanyang ika-18 kaarawan

- Makikita sa mga ito na naroroon ang kanyang asawang si Dennis Trillo na nakasayaw pa niya

- Nakalagay sa isa sa kanyang mga post na tila maging siya ay hindi naisip na ito ang kanyang makakatuluyan

- Ikinasal ang mag-asawa noong November 15, 2021 at nabiyayaan ng isang anak na babae na pinangalanan nilang Dylan

Nag-post si Jennylyn Mercado ng throwback pictures na kuha noong kanyang ika-18 na kaarawan. Kasama sa mga naturang pictures ang kanyang mister na si Dennis Trillo.

Sa dalawang Instagram stories na kanyang binahagi ay makikita si Dennis. Sa unang picture ay makikitang kasayaw ni Jen ang kanyang ama na si Noli Pineda habang naroroon din si Dennis kabilang sa iba pang mga makakasayaw ni Jennylyn.

Sa isang picture naman ay makikita ang kanilang picture habang magkasayaw. Nakalagay sa isa sa kanyang mga post na tila maging siya ay hindi naisip na ito ang kanyang makakatuluyan.

Read also

Alex Gonzaga sa kagaya nilang mag-asawang nag-aantay magkaanak: "Eto na malapit na"

Matatandaang nagkahiwalay sina Jennylyn at Dennis noon pero nagkabalikan din. Ikinasal ang mag-asawa noong November 15, 2021 at nabiyayaan ng isang anak na babae na pinangalanan nilang Dylan.

Si Jennylyn Mercado ay isang Kapuso actress na nakilala matapos niyang manalo sa talent search na Starstruck ng GMA-7. Bukod sa pagiging aktres, nakilala din siya bilang isang mang-aawit, recording artist at product endorser. Sa kabila ng kanilang nakaraan, maganda ang relasyon ni Jennylyn sa asawa ng kanyang ex na si Patrick na ama ng kanyang anak na si Alex Jazz. Kaya naman marami ang natutuwa sa mga bonding moments nila na ibinabahagi nila sa social media.

Naging usap-usapan kamakailan ang matapang na pagbabahagi ng opinyon ng aktres hinggil sa ilang isyu. Maging si Lolit Solis ay nagbahagi ng kanyang opinyon hinggil sa isyung kinasangkutan nila Arnell at Jennylyn. Naging viral din kamakailan ang post ng Kapuso star hinggil sa SONA ni Pangulong Rody Duterte.

Read also

Ogie Alcasid, pumalag sa peke at bogus marketing contents sa social media

Matatandaang pinakita ng mag-asawang Jennylyn Mercado at Dennis Trillo ang di inaasahang pangyayari matapos nilang magtungo sa ospital para magpa-check-up. Marami ang nawindang sa huling bahagi ng kanilang YouTube video dahil manganganak na pala si Jen.

Source: KAMI.com.gh