Kim Chiu, nagkomento sa post ni Robi Domingo kasama si Mikee Lee

- Kinikilig ang netizens sa reaksyon ni Kim Chiu sa Instagram post ni Robi Domingo kung saan kasama nito si Mikee Lee

- Ibinahagi ni Robi ang kanilang larawan at ipinagdiwang ang pagkakapareho nila bilang 2nd placers sa kani-kanilang season ng Pinoy Big Brother

- Naging usap-usapan ang past confession ni Mikee na nagkaroon siya ng crush kay Kim noong Teen Edition 1 ngunit hindi ito nasabi dahil sa takot

- Nagkomento si Kim ng sweet message na nagpaalala ng masasayang alaala sa loob ng Bahay ni Kuya

Kinikilig ang fans matapos makita ang reaksyon ng aktres na si Kim Chiu sa Instagram post ni Robi Domingo kung saan kasama nito ang dating "Pinoy Big Brother" (PBB) Teen Edition 1 2nd Big Placer na si Mikee Lee. Matatandaang naging usap-usapan noon ang pagkakaroon ng crush ni Mikee kay Kim noong sila ay nasa loob ng Bahay ni Kuya.

Sa larawang ibinahagi ni Robi, makikita silang magkasama ni Mikee at binigyang-diin niya sa caption ang kanilang pagkakapareho bilang kapwa 2nd placers sa kani-kanilang season ng PBB. Ayon kay Robi, "2nd Teen Big Placers club." Ang nasabing post ay agad na nag-trending, lalo na’t ito ang unang beses na muling nasilayan ng mga fans si Mikee Lee sa social media matapos ang ilang taon.

Read also

Gee Canlas, nagparamdam sa social media matapos ang reklamo laban kay Archie Alemania

Marami ang nagkomento ng nostalgia dahil bumalik ang mga alaala ng Teen Edition 1 kung saan kasama nina Mikee sina Kim Chiu at Gerald Anderson. Sa nasabing season, si Kim ang tinanghal na Big Winner, samantalang si Gerald ang 3rd placer. Si Mikee naman ay kilala noon sa kaniyang pagiging mahiyain ngunit charming na housemate.

Sa isang interview ni Mikee noong 2017 sa Candy Magazine, inamin niyang nagkaroon siya ng matinding paghanga kay Kim Chiu habang nasa loob ng Bahay ni Kuya. Ngunit hindi umano niya ito nasabi noon dahil mas nangibabaw sa kaniya ang takot at kaba. Kaya naman, nang makita ni Kim ang post ni Robi, nagkomento ito ng "OMG!!! MIKEE LEE?!!!!😱😅!" na siyang lalong nagpakilig sa mga fans.

Samantala, si Robi Domingo ay 2nd placer din sa "PBB Teen Edition Plus" na kasabayan nina Ejay Falcon (Big Winner) at Beauty Gonzalez. Ang muling pagtatagpo nina Robi at Mikee ay nagdala ng saya sa mga loyal fans ng PBB, lalo na sa mga sumubaybay sa unang teen edition

Read also

Chloe San Jose, sinabing 'fake account' ang Sophia Delas Alas na nag-comment sa post nya

Si Kim Chiu ay isang kilalang artista at personalidad sa industriya ng showbiz sa Pilipinas. Isinilang siya noong April 19, 1990, sa Tacloban City, Leyte, Philippines. Unang sumikat si Kim Chiu noong sumali siya sa reality show na "Pinoy Big Brother: Teen Edition" noong 2006.

Sa post ni Kim, binahagi niya ang saloobin na nakabalik na siya sa pagtatrabaho matapos ang mahigit isang linggo. Sa kanyang pagbabalik-trabaho, aniya ay mas naging makahulugan sa kanya ang linyang “Umulan man o Umaraw. Kahit ang dulo ay di matanaw." Bahagi ito ng lyrics sa opening song ng noontime show na "It's Showtime."

Tuwang-tuwa si Kim nang makatanggap ng mamahaling sapatos mula sa Diamond Star na si Maricel Soriano. Sa kanyang IG stories ay makikita ang pag-abot sa kanya ni Maricel ng Christian Louboutin na sapatos.

Source: KAMI.com.gh