Ai-ai Delas Alas, may emosyonal na mensahe matapos sorpresahin ng mga anak

- Sinorpresa ni Sancho Vito at Seth De Las Alas ang kanilang inang si Ai-ai Delas Alas sa kanyang kaarawan sa pamamagitan ng pagdala ng cake

- Nagbigay ng emosyonal na mensahe si Ai-ai sa Instagram kung saan pinasalamatan niya ang kanyang mga anak at ang Diyos sa kabila ng mga hamon sa buhay

- Ipinakita sa video ang pagpasok ng magkapatid sa silid ni Ai-ai habang dala ang cake na ikinatuwa ng aktres

- Umani ng suporta at pagbati mula sa mga netizens ang Instagram post ni Ai-ai para sa kanyang espesyal na araw

Nagbigay ng emosyonal na mensahe ang Comedy Queen na si Ai-ai Delas Alas matapos siyang sorpresahin ng kanyang mga anak sa mismong araw ng kanyang kaarawan.

Sa isang Instagram post, ipinahayag ni Ai-ai ang kanyang labis na pasasalamat sa Diyos sa kabila ng mga pagsubok na kanyang kinakaharap, at pinasalamatan ang kanyang mga anak na sina Sancho Vito at Seth De Las Alas sa simpleng ngunit makabagbag-damdaming surpresa.

Read also

Coco Martin, kinabiliban sa kanyang pagiging hands-on sa pagpromote ng kanyang produkto

Kalakip ng kanyang mensahe ay isang video na nagpapakita ng magkasamang pumasok ang magkapatid sa silid ng kanilang ina, dala ang isang birthday cake. Kitang-kita ang saya at pagkaantig ni Ai-ai habang tinatanggap ang surpresa ng kanyang panganay at bunsong anak. Ayon sa aktres, ang simpleng pagsalubong na ito ay mula sa puso at labis niyang pinahahalagahan ang effort ng kanyang mga anak.

"Ang swerte ko na may mga anak akong katulad nyo," saad ni Ai-ai sa kanyang post. Dagdag pa niya, "Mabait ang Panginoong Diyos, binibigyan niya ako ng mga taong makakapagpagaan ng mga dalahin."

Maraming netizens ang bumati at nagpaabot ng suporta kay Ai-ai sa comment section, na nagpahayag din ng kanilang pagmamahal at paghanga sa pagiging malapit na pamilya ng De Las Alas.

Si Ai-Ai delas Alas o Martina Eileen Hernandez delas Alas-Sibayan sa totoong buhay ay isang performer, comedienne at isa din siyang film actress. Sumikat ang kaniyang pelikulang Tanging Ina, na naging blockbuster hit. Ikinasal si Ai-Ai kay Gerald sa Christ the King Parish sa Greenmeadows, Quezon City noong December 12, 2017.

Read also

Misis, hindi nakaligtas matapos lumubog ang sinasakyang balsa ng pamilya nila

Pinasalamatan ni Ai-Ai delas Alas ang asawang si Gerald Sibayan sa naging sorpresa nito para sa kanya. Isang Hello Kitty makeover para sa bahay nila ang regalo niya para sa ika-pitong taon nilang dalawa bilang magkarelasyon. Ibinahagi din ni Ai-Ai ang litrato ng bahagi ng kanilang bahay na tadtad ng kinagigiliwan niyang Hello Kitty. Hindi maitago ni Ai-Ai ang kanyang kasiyahan sa ginawa ni Gerald para mapasaya lang siya.

Sa kanilang pagdiriwang ng ika-apat na taon bilang mag-asawa, isang pagbati ang ibinahagi ng Comedy Queen na si Ai-Ai Delas Alas. Binalikan niya ang masasayang sandali nang ikinasal sila ng kanyang nister na si Gerald Sibayan noong December 12, 2017. Kalakip ng ibinahaging wedding photos, hiling niya ang marami pang taong pagsasama nilang mag-asawa. Matatandaang namalagi sa Amerika ang mag-asawa para pagtuunan ang kanilang buhay may asawa.

Source: KAMI.com.gh