John Wayne Sace, may makahulugang post bago maaresto: "Ilang beses nyo na ko pinagplanuhan"

- Naaresto ng Pasig Police si John Wayne Sace matapos ang insidente ng pamamaril sa isang lalaking si Eugenio

- Matagal na umanong may alitan sa pagitan nina Sace at Eugenio na posibleng nagdulot ng krimen

- Bago siya arestuhin, nag-post si Sace sa social media ng mga pahayag na nagpapakita ng tensyon at pangamba sa kaligtasan ng kanyang pamilya

- Nasa Eastern Police District headquarters si Sace para sa paraffin test habang patuloy ang pag-iimbestiga ng mga pulis sa insidente

Nasa kamay na ng mga awtoridad ang dating aktor at ‘ASAP’ dancer na si John Wayne Sace matapos masangkot sa pamamaril ng isang lalaki na si Eugenio, bandang alas-7:30 ng gabi. Ayon sa ulat ng Pasig Police, binaril si Eugenio ng apat na beses gamit ang .45 caliber na baril, at nahuli si Sace sa isang hotel ilang oras matapos ang insidente.

Read also

Dating aktor na si John Wayne Sace, inaresto sa Pasig dahil sa pamamaril

Ayon sa imbestigasyon ng mga pulis, matagal nang may hidwaan sa pagitan nina Sace at Eugenio, na maaaring nagtulak sa marahas na kaganapan. Bago pa maaresto, nagbahagi si Sace ng pahayag sa social media, na nagbabadya ng matinding tensyon.

Sa kanyang post, sinabi ni Sace na may mga indibidwal na palihim na nagtutulak ng droga at naninira ng mga buhay. Dagdag pa niya, ilang beses na siyang pinagplanuhan ng mga ito. Inihayag niya ang pangamba sa kaligtasan ng kanyang pamilya.

Sa kasalukuyan, si Sace ay nasa Eastern Police District headquarters para sumailalim sa paraffin test, na makakatulong sa pagtukoy ng kanyang posibleng pagkakasangkot sa insidente. Patuloy pa rin ang masusing pag-iimbestiga ng mga pulis habang nangangalap ng karagdagang ebidensya upang mabuo ang kabuuang kwento sa likod ng krimen.

Read also

Gerald Anderson, nagpasalamat sa naging bahagi ng paghatid ng donasyon sa Batangas

Si Sace, na dating Star Magic talent, ay naging popular bilang dancer sa 'ASAP' at sumikat sa teleseryeng ‘Guns and Roses’ noong 2011. Lumabas din siya sa indie film na 'Pintakasi.'

Noong nakaraang taon, buong tapang nang inamin ni John Wayne na nakasama siya umano sa watchlist ng 'Oplan Tokhang'. Sa panayam na iyon sa kanya sa Rated K, nabanggit niyang nais pa sana niyang makabalik sa showbiz kung bibigyan ng pagkakataon.

Samantala, buong tapang na inihayag ni John Wayne ang mga naganap sa kanyang buhay nang mawala sa showbiz. Sa panayam sa kanya ni Ogie Diaz, inamin ni John Wayne ang pagkakalulong sa bisyo at iba pa pang hindi magagandang karanasan na kaakibat nito.

Source: KAMI.com.gh