Donnalyn Bartolome, ibinida ang Oppa transformation ni JM De Guzman

- Sa YouTube channel ni JM De Guzman ay pumayag siyang dumaan sa makeover para ma-achieve ang Oppa look

- Bukod sa pagpapaayos ng buhok at shopping, mismong si Donnalyn ang nag-shave sa bigote ni JM at pati na rin ang skin care nito

- Sa kanilang photo shoot ay hands on din si Donna mula sa styling ng suot ni JM hanggang sa mga pose nito

_ Ani Donna, siya mismo ang nagtutulak kay JM na maging mas aktibo sa paggawa ng content lalo na sa kanyang YouTube channel na mayroon nang mahigit 700K followers

Ibinida ni Donnalyn Bartolome ang "Oppa" transformation ni JM De Guzman sa bagong video ng aktor sa kanyang YouTube channel. Sa nasabing episode, pumayag si JM na sumailalim sa isang total makeover na pinangunahan ni Donnalyn, na kilala rin sa kanyang pagiging hands-on at creative pagdating sa pag-aayos.

Read also

Yam Concepcion, ibinida ang kanyang mother-in-law na may baby shower para sa kanila

Nagsimula ang transformation sa pagpapaganda ng buhok ni JM, kasama na rin ang shopping para makumpleto ang Korean-inspired look. Ngunit hindi dito nagtapos ang effort ni Donnalyn — mismong siya pa ang nag-ahit ng bigote ni JM, at nagbigay ng mga skin care treatment para mas lalo pang lumabas ang fresh at youthful na itsura ng aktor.

Sa kanilang naging photo shoot, naging hands-on din si Donnalyn mula sa pagpili ng mga outfit ni JM hanggang sa mga pose nito sa harap ng kamera. Bawat detalye ng transformation ay maingat na pinlano ni Donnalyn upang masiguradong ma-achieve ang inaasam na Oppa look.

Ayon kay Donnalyn, siya rin ang nagtutulak kay JM na maging mas aktibo sa paggawa ng content para sa kanyang YouTube channel, na ngayon ay may mahigit 700,000 followers.

Read also

James Reid, umano'y mahigit Php100 million ang atraso ni Jeffrey Oh sa kanya

Dahil sa naturang vlog, maraming netizens ang humanga sa chemistry ng dalawa at sa effort ni Donnalyn na mapaganda ang image ni JM sa pamamagitan ng naturang transformation. May mga nagbanggit din tungkol sa pagiging maalaga ni Donna.

Si Donnalyn Bartolome ay isinilang noong July 9, 1994 sa Japan. Sumikat siya bilang isang singer, performer, YouTuber, producer, product endorser at social media influencer. Nakilala din siya sa kanyang mga awiting Happy Breakup, Di Lahat, Kakaibabe at Paskong Wala Ka.

Matatandaang kamakailan ay humingi ng dispensa si Donnalyn kaugnay sa kanyang baby-themed photoshoot para sa kanyang kaarawan. Aniya, honest mistake iyong nangyari at wala umano siyang intensiyong masama sa kanyang post.

Matapos ang kontrobersiyal niyang birthday photoshoot nasundan ito ng kanyang “kanto style” birthday party na kanyang binahagi sa kanyang YouTube channel. Sa naturang party, jeep at tricycle ang ginamit na mga sasakyan.

Source: KAMI.com.gh