Vice Ganda: "Ngayon tatawa-tawa na lang tayo sa AlDub, dati luha ‘yan eh"

- Nagbiro si Vice Ganda tungkol sa AlDub na isa sa pinaka naging matinding hamon sa kanila noon

- Sa Expecially For You segment ng It's Showtime ay napag-usapan nila na tatawa-tawa na lang daw sila ngayon sa AlDub pero noon ay luhaan sila

- Ang tinutukoy ni Vice ay yung panahong kasagsagan ng kasikatan ng AlDub na talaga namang mahirap pataubin pagdating sa ratings

- Binati din ni Vice Ganda sina Maine Mendoza at Alden Richards na silang bumubuo sa tambalang AlDub

Nagbiro si Vice Ganda tungkol sa AlDub, isang tambalang naging malaking hamon sa kanila noon. Sa segment na "Especially For You" ng It's Showtime, napag-usapan nila na ngayon ay tatawa-tawa na lang daw sila sa AlDub, pero dati ay luhaan sila.

"Ngayon, tatawa-tawa na lang tayo sa AlDub, dati luha ‘yan eh," ani Vice Ganda, na tumutukoy sa panahong kasagsagan ng kasikatan ng AlDub na mahirap pataubin pagdating sa ratings.

Read also

MTRCB Chairperson Lala Sotto, nagsalita na sa issue nina Vice Ganda, Axel, at Christine

Binati din ni Vice sina Maine Mendoza at Alden Richards, na bumuo sa tambalang AlDub, at kinilala ang kanilang naging tagumpay. "Sina Maine at Alden, saludo kami sa inyo. Ang lakas ng AlDub noon," dagdag pa niya.

Ang AlDub, na naging tanyag sa kalyeserye ng Eat Bulaga, ay isa sa mga pinakamalalakas na tambalan sa kasaysayan ng Philippine television, na talagang naging mahirap kalabanin para sa iba pang mga programa.

Si Vice Ganda ay isa sa pinakasikat na komedyante at TV host sa kasalukuyan. Nakilala siya sa kanyang husay sa pagpapatawa at mga pelikulang kadalasan ay tumatabo sa takilya. Kabilang din siya sa noontime show na It's Showtime na 13 taon nang napapanood sa ABS-CBN. Bukod sa kanyang pag-aartista, siya rin ay nagmamay-ari ng beauty products na Vice Cosmetics.

Read also

Vice Ganda, nagpasalamat matapos hiranging #1 most followed male influencer

Kinaaliwan si Kim Chiu matapos ibuking ni Vice Ganda na konting kibot daw naiiyak si Kim Chiu. Sa kanilang pag-uusap sa episode ng It's Showtime, pinuna ni Vice ang naging reaksiyon ni Kim sa kanyang pagkukuwento. Hirit naman ni Vhong Navarro, nagiging baka daw si Kim. Tawang-tawa naman si Kim sa mga hirit na ito ng kanyang mga co-hosts.

Kinaaliwan din ang biruan nina Vice Ganda at Jhong Hilario sa Isip Bata segment ng It's Showtime. Pabirong sinabi ni Vice Ganda sa madlang people na i-mass report si Jhong. Tawang-tawa naman silang mga host sabay sabi ni Jhong na na-block na nga daw siya ng Facebook. Matatandaang naging biruan nila ito simula nang matanggal ang Facebook page ni Rendon Labador dahil daw sa pag-mass report.

Source: KAMI.com.gh