Kathryn Bernardo, tinanghal bilang FAMAS Best Actress

- Si Kathryn Bernardo tinanghal bilang Best Actress sa 72nd FAMAS Awards para sa kanyang pagganap bilang Philo/Mercy sa "A Very Good Girl"

- Pagkatapos ng kanyang pagkapanalo, si Kathryn ay agad na inulan ng pagbati at naging trending sa social media

- Ito na ang ikatlong beses na nanalo si Kathryn bilang Best Actress sa iba't ibang award-giving bodies para sa kanyang mga mahusay na pagganap sa mga pelikula

- Ang mga pagkilalang ito ay patunay sa husay at galing ni Kathryn sa larangan ng pag-arte

Tinanghal si Kathryn Bernardo bilang Best Actress sa 72nd FAMAS Awards para sa kanyang natatanging pagganap bilang Philo/Mercy sa pelikulang "A Very Good Girl." Ang prestihiyosong pagkilala ay isang patunay ng kanyang husay sa pag-arte.

Agad na inulan ng pagbati si Kathryn sa kanyang pagkapanalo, at sa katunayan, trending ang kanyang pangalan sa X.

Read also

Robi Domingo, kinaaliwan sa kanyang video kalakip ang MUPH video clip ng pag-host ni Alden Richards

Matatandaang si Bernardo ay nanalo rin bilang Best Actress sa 35th PMPC Star Awards for Movies at Entertainment Editors' Choice Awards for Movies para sa kanyang pagganap sa "The Hows of Us." Nakamit din niya ang parehong parangal para sa kanyang papel sa "Barcelona: A Love Untold" noong 2017.

Ang mga tagumpay na ito ay nagpapakita ng walang kapantay na talento at dedikasyon ni Kathryn Bernardo sa kanyang propesyon.

Si Kathryn Bernardo ay isang kilalang artista sa industriya ng showbiz sa Pilipinas. Ipinanganak noong March 26, 1996, siya ay nagsimulang magtrabaho sa larangan ng pag-arte noong bata pa lamang siya. Kilala siya sa kanyang mga pagganap sa mga teleserye at pelikulang Pilipino. Bumida si Kathryn sa iba't ibang proyekto tulad ng "Princess and I," "Got to Believe," at "Pangako Sa 'Yo."

Read also

Melai Cantiveros at Jason Francisco, bumisita sa filming location ng 'Queen of Tears'

Matatandaang puring-puri ni Alora Sasam ang pagiging professional ng kanyang kaibigang si Kathryn Bernardo. Kalakip ito ng video ng dance cover ni Kathryn ng nauusong sayaw na "Water". Sinagot ni Alora ang isang netizen na nagsabing dapat ay payuhan ni Alora sina Kathryn at Daniel at huwag manghimasok. Ani Alora, kung alam lang nito ang kanyang nalalaman ay iba ang magiging komento nito.

Usap-usapang muli sina Kathryn at Daniel Padilla matapos mapansin ng netizens na naka-unfollow na sa Instagram si Kathryn sa ex niyang si DJ. Ito ay matapos ang isa’t-kalahating buwan mula nang isapubliko nila ang tungkol sa kanilang paghihiwalay. Gayunpaman, sa kasalukuyan ay naka-follow pa rin si Daniel sa aktres na nakasama niya din kamakailan sa kasal ni Robi Domingo at Maiqui Pineda. Namamataang maayos na magkausap ang dalawa sa kabila ng kanilang paghihiwalay.

Source: KAMI.com.gh