Juan Karlos Labajo, nagtamo ng injury matapos ang show sa Orani, Bataan

- Binahagi ni Juan Karlos Labajo ang ilang pictures matapos ang kanyang show sa Orani Bataan

- Base sa kanyang binahaging picture kasama ang ilang medic ay nagkaroon ng pinsala sa kanyang binti

- Pinasalamatan ni Juan Karlos ang mga nag-asikaso sa kanya matapos ang hindi inaasahang pangyayari

- Hindi diretsahang sinabi ni JK kung ano ang nangyari ngunit base sa komento ng ilang netizens ay nadapa umano ito

Ibinahagi ng aktor-singer na si Juan Karlos Labajo ang isang post sa kanyang Instagram account na nagdulot ng pag-aalala sa kanyang mga tagahanga.

Ang post ay nagpapakita kay JK na nakaupo kasama ang mga medical staff sa paligid niya, na nagpapahiwatig ng posibleng sprain sa kanyang kaliwang binti matapos ang kanyang show sa Orani, Bataan.

Sa kanyang caption, ipinahayag ni Labajo ang pasasalamat sa Orani crowd, inilarawan sila bilang isa sa pinaka-energetic at magagandang mga audience na kanyang nakilala ngayong taon.

Read also

Brenda Mage, ibinida ang picture kasama ang afam: "Dito ko lang pala sya mahahanap sa Singapore"

"Isa sa mga pinaka-energetic at pinakamagandang crowd na nakasama namin this year! Orani, talagang nahulog ako sa inyo! Sobrang saya! Hanggang sa muli!"

Agad na nagkomento ang mga tagahanga ni Labajo sa kanyang post, nagpapahayag ng pag-aalala at nagtatanong kung ano ang nangyari sa kanya. Bagaman hindi idinetalye ni Labajo ang partikular na dahilan ng kanyang pinsala sa kaliwang binti, ilang mga komento ay nagpapahiwatig na maaaring siya ay nadapa sa panahon ng isang live performance.

Bukod sa pag-awit at pagsusulat ng mga kanta, nakatakda ring magbida si Labajo sa paparating na Dreamscape series na "High Street."

Si Juan Karlos Labajo o JK Labajo ay naging contestant sa sikat na talent competition na "The Voice Kids Philippines" noong 2014 kung saan siya ay naging runner-up. Pagkatapos ng kanyang paglahok sa The Voice, sumunod ang kanyang mga pagganap sa iba't ibang palabas at pelikula sa telebisyon. Bukod sa kanyang karera sa pag-arte, si JK Labajo ay kilala rin sa kanyang mga awitin kagaya ng 'Buwan' at 'Ere'.

Read also

Heart Evangelista, nagbahagi ng advice sa mga taong nakakaranas ng pamba-backstab

Matatandaang binahagi ni Andrea Brillantes ang blooper sa kanyang TikTok video kung saan makikita ang kaibigan niyang si JK. Kinaaliwan ang reaksiyon ni JK na napahawak pa sa dibdib niya sa gulat nang biglang nag-tumbling si Andrea. Nagtawanan silang magkaibigan matapos mapansin ni Andrea ang reaksiyon ni JK. Samantala, umabot na sa 8 million views ang Tiktok video niya kung saan ginawa niya ang TikTok trend na 'Ba't malungkot ang beshy ko?'

Binahagi naman ni Moira Dela Torre ang video ng kanyang pagkanta ng awiting 'Ere' na pinasikat ni JK. Sa huling bahagi ng video ay makikitang mismong si JK ang tumutugtog ng gitara nang kumanta si Moira. Umani rin ng samu't-saring komento ang video na ito ni Moira lalo at mayroong bahagi ng kanta na pagmumura. Marami sa mga netizens ang nagsabing yung kay Moira ang tipo ng pagmumura na hindi masakit sa tenga dahil sa pagiging soft-spoken nito.

Source: KAMI.com.gh