Cristy sa umano'y sinapit ni Jeffrey Oh: "Tumaya sa maling kabayo si Liza Soberano"

- Nagbigay komento si Cristy Fermin sa 'di umano'y sinapit ngayon ng manager ni Liza Soberano na si Jeffrey Oh

- Kamakailan ay napabalitang naka-detain ngayon dahil sa umano'y reklamo sa kanya ukol sa pagpapatakbo ng negosyo sa Pilipinas na wala umanong maayos na papeles

- Kung totoo man umano ang akusasyon, sinasabing maaring manganib ang career ni Liza

- Ayon pa kay Cristy, tila tumaya sa maling kabayo si Liza Soberano sa desisyong mapasa-ilalim ng Careless PH kung saan si Jeffrey ang CEO

Isa sa tinalakay sa Showbiz Now Na! ni Cristy Fermin ang umano'y pagkakadakip sa manager ni Liza Soberano na si Jeffrey Oh sa opisina nito sa Poblacion, Makati.

Dahil sa pangyayari umanong ito. Hindi maalis sa isip ng iba na posibleng manganib ang career ni Liza sakaling totoo ang akusasyon sa kanyang manager.

Read also

Paolo Contis, tila araw-araw SONA ayon kay Cristy: "Siya ang laging nagkukukuda"

Gayunpaman, may mga nagsasabing hindi si Jeffrey Oh ng Careless ang nadakip gayung matagal na itong wala sa Pilipinas.

"'Yung sinulat ng isang kasamahan natin na manunulat naka ano daw, nasa opisina ng CID itong si... [Jeffrey Oh] parang ganun, (naka-detain) naka-hold, ganun. Naguguluhan naman ang iba may nagsabi raw na matagal na raw wala dito si Jeffrey Oh. Kaya ang gulo-gulo. E sino 'yung nakunan, multo? Sino 'yung dinampot ng CID, multo? Sino yung nakunan ng news team ng GMA multo pa rin?" ani Cristy.

"Iniwan ni Liza Soberano si Ogie Diaz. Iniwan niya ang ABS-CBN na ang pagpapaalam niya ay hindi pa maganda. Maging sa love team nila ni Quen. Hindi maganda, negatibo ang dating. Tapos pala itong pinaniwalaan niya na manager na ito e wala naman palang karapatan na magtrabaho dito at magtayo ng business" ayon pa kay Cristy na hindi maiwasang maisip ang kahihinatnan ng career ni Liza.

Read also

Markus Paterson sa pagiging co-parent ni Janella: "I couldn't ask for a better mother of my child"

"Eto lang yun, tumaya sa maling kabayo si Liza Soberano... Nakakalungkot ano, nauwi sa wala ang pangarap ni Liza Soberano. Sinong magtutulay sa kanya sa Hollywood."

Narito ang kabuuan ng kanilang talakayan mula sa Showbiz Now Na! YouTube channel:

Si Liza Soberano ay isang Filipina model at actress na sumusubok ngayon ng kanyang kapalaran sa Amerika partikular na sa Hollywood. Sampung taon din namayagpag ang kanyang career sa Pilipinas kung saan naging ka-love team niya ang kanyang boyfriend na si Enrique Gil.

Nang matapos ang kontrata sa dating manager na si Ogie Diaz, naging kontrobersyal ang pagpasok sa bagong yugto ng kanyang showbiz career nang ilabas niya ang kanyang 'This is me' vlog na naglalaman ng mga rebelasyon. Sinundan pa ito ng kabi-kabilang interviews na lalong nagpaigting sa mga bagay-bagay na umano'y naisiwalat ni Liza.

Matatandaang sa naunang talakayan nina Cristy Fermin at mga kasama sa YouTube channel niyang Showbiz Now Na! sinabi nitong nabalitaan niya ang tungkol sa banyagang karelasyon na ni Liza Soberano. Subalit, ilang araw matapos mapabalita ito, ilang larawan nina Liza kasama si Enrique Gil ang lumabas na tila ba umano'y patunay na patuloy pa rin ang relasyon ng dalawa.

Source: KAMI.com.gh