Jason Marvin Hernandez, nag-post ng picture kasama ang isang 'mystery girl'

- Nagbahagi ng picture si Jason Marvin Hernandez sa kanyang Instagram story na talaga namang ikina-intriga ng marami

- Makikita sa naturang picture na mayroon siyang kasamang babae ngunit hindi kita ang buong mukha nito

- Nakaakbay ito sa kanya ngunit dahil nakasuot ng sombrero ay tanging bahagi ng bibig nito ang nakita sa picture

- Wala namang caption ang naturang picture at wala ding tao na naka-tag kaya palaisipan sa mga netizens kung sino ang kanyang kasama

Nag-post si Jason Marvin Hernandez ng isang picture sa kanyang Instagram story kasama ang isang mystery girl. Marami ang naintriga sa post na ito ni Jason.

Dahil hindi kita ang mukha ng babaeng kanyang kasama ay may mga nag-isip kung mayroon na ba itong bagong karelasyon o nagkabalikan na sila ni Moira dela Torre.

Read also

Moira dela Torre, wiped out ang lahat ng Instagram post

Wala namang caption na inilagay si Jayson sa naturang picture at wala ding tao na naka-tag kaya naging palaisipan sa mga netizens lalo na sa fans nila ni Moira kung sino ang kanyang kasamang babae.

Si Jason Marvin Hernandez ay isang singer composer na unang nakilala bilang karelasyon ni Moira dela Torre at kasama niya sa paggawa at pagkanta ng kanilang mga likhang awitin. Matapos nilang ikasal ay ikinagulat ng mga tagahanga nila nang ilabas nila ang balita tungkol sa kanilang paghihiwalay.

Matatandaang marami sa mga fans at tagasuporta ng mag-asawang Jason at Moira ang nalungkot sa paghihiwalay ng dalawa. Ito ay kinompirma ni Jason sa pamamagitan ng pag-post sa kanyang social media account. Sa kanyang Twitter account ay makikita pa ang hugot nito noong nakaraang linggo tungkol sa hindi pagsuko. Umani ito ng mga reaksiyon at binalikan ng netizens lalo at naging mainit na usapin ang tungkol sa kanilang paghihiwalay.

Read also

Rica Peralejo, sinagot ang mga nangbatikos sa pagsuot nila ng Halloween costume

Samantala, sa isang Instagram Live video na binahagi ni Moira, marami ang nakapansin na tila malungkot ito at may matinding pinagdadaanan dahil sa kanyang matamlay na reaksiyon. Matapos ang naging pahayag ni Jason ay napagtanto ng mga netizens na may hugot nga ang malungkot na kanta ni Moira sa kanyang IG live. Matatandaang isinapubliko ni Jason ang tungkol sa paghihiwalay nila matapos ang tatlong taong pagsasama bilang mag-asawa.

Source: KAMI.com.gh