Brenda Mage, binahaging hiwalay na sila ni Gio Sta. Ana

- Isinapubliko ni Brenda Mage ang tungkol sa paghihiwalay nila ng boyfriend na si Gio Sta. Ana

- Sa kanyang video na binahagi ay makikitang hawak niya ang isang teddy bear na niregalo sa kanya sa kanilang anniversary

- Naroroon din ang isang unan na may picture ni Gio katabi ang ilan pang mga malalaking stuffed toy

- Nagpasalamat naman si Brenda sa mga alaala nilang pinagsaluhan ni Gio sa halos dalawang taong relasyon nila

Naglabas ng pahayag si Brenda Mage tungkol sa kanilang paghihiwalay ni Gio Sta. Ana. Sa kanyang video, nagpasalamat siya sa lahat ng mga alaala na kanilang pinagsaluhan sa kanilang relasyon na tumagal ng halos dalawang taon.

Sa pamamagitan ng kanyang pahayag, ipinakita ni Brenda ang kanyang pagiging bukas at tapat sa publiko tungkol sa kanilang sitwasyon.

Sa gitna ng paghihiwalay, tila ipinapakita ni Brenda ang kanyang pagiging matatag at positibo sa hinaharap. Bagamat may lungkot at sakit sa paghihiwalay, nagpapakita siya ng pag-asa at pagtitiwala na ang mga darating na araw ay naglalaman ng bagong pag-asa at posibilidad.

Read also

Pambansang Kolokoy, pinakita ang screenshot ng umano'y mensahe ng anak niya

Si Bryan Roy Tagarao o mas kilala bilang si Brenda Mage ay isang komedyante na naging bahagi ng Pinoy Big Brother: Kumunity Season 10 bilang isa sa mga celebrity housemates. Si Brenda ay naging bahagi ng final 5 ng nasabing programa, kasama sina Madam Inutz, Samantha Bernardo at ang top 2 na sina Anji Salvacion at Alyssa Valdez.

Sa naunang ulat ng KAMI, binigyan ni Brenda ng bagong cellphone ang kanyang boyfriend na si Gio Sta. Ana. Sa isang Facebook post ay binahagi niya ang pictures ng boyfriend at pabirong pinahagingan ang aniya'y mga "Marites." Nilinaw niyang binahagian lamang niya ang boyfriend ng kinita ng kanyang vlog kung saan pumunta siya sa bahay nito. Matatandaang kamakailan lang ay diretsahan ding binuweltahan ni Brenda ang mga bashers niya na nagsasabing pera lang ang habol sa kanya ng boyfriend.

Binahagi ni Brenda ang kanyang susunod na ipapagawa matapos ang pinagawa niyang bahay niya sa kanilang probinsiya. Aniya, dahil natapos na ang bahay niya at ng kanilang mama, ipapagawa niya na rin ang bahay ng kanyang ate. Pagkatapos umano ang bahay ng ate niya ay isusunod niyang papaayos ang bahay ng isa pang kapatid niya na lalaki. Pabiro pa nitong siningil ang aniya'y may utang sa kanya para aniya ay pangdagdag lang sa pagpapagawa niya ng bahay.

Source: KAMI.com.gh