Pambansansang Kolokoy, sinorpresa si Gladys Guevarra matapos magkatampuhan

- Binahagi ni Pambansang Kolokoy ang video kung paano niya sinorpresa si Gladys Guevarra matapos itong magtampo sa kanya

- Dahil sa kanyang trabaho ay hindi daw siya nakapunta sa kaarawan ni Gladys kaya nagtampo ito

- Pagbalik niya matapos ang kanyang trabaho ay agad daw niyang tinanong ang mga kaibigan ni Gladys para malaman kung nasaan ito

- Nagkaayos naman sila kinalaunan at naghalikan pa habang nasa entablado

Pinuntahan ni Pambansang Kolokoy si Gladys Guevarra sa show nito para sorpresahin ito at suyuin. Nagkaayos naman sila kinalaunan at naghalikan pa habang nasa entablado.

Naiyak pa si Gladys nang mag-sorry si PK sa kanya nang tawagin niya ito sa entablado. Napansin niya si PK na nasa audience at nagpaunlak naman ito.

Sa naturang video ay sinabi ni Gladys na hindi daw pang collab lang ang kanilang pagsasama sa mga videos. Matapos ng pagkakabati nila ay nangako umano si PK sa kanya na wala na itong itatago sa kanya.

Read also

Gladys Reyes, hanga kay Barbie Forteza: "Talagang sinasaktan ko siya, totoong sampal"

Nang magkahiwalay dahil sa trabaho ni PK, inisip umano ni Gladys na hindi na sila magkakausap ni PK.

Ang content creator na si Joel Mondina o mas kilala bilang Pambansang Kolokoy ay nakilala sa kanyang mga nakakaaliw na mga online videos. Isinilang siya sa La Union at lumaki sa Baguio City kasama ang kanyang lolo at lola. Taong 1994 nang lumipat siya sa US para makasama ang kanyang mga magulang na OFW.

Matatandaang inamin ni Joel Mondina sa pamamagitan ng isang video ang tungkol sa paghihiwalay nila ng kanyang misis na si Marites Mondina. Aniya, ayaw pa sana niya magsalita dahil may prosesso silang ginagawa ngunit marami umano ang nagtatanong kung bakit hindi na kasama si Marites sa mga video na binahagi ni Joel. Inamin niya din na mayroon siyang bagong karelasyon sa kasalukuyan at masaya umano sila. Nilinaw din niyang maayos ang kalagayan ng kanilang mga anak at hindi umano siya pabayang ama.

Samantala, matapos lamang ang ilang araw na rebelasyon ng kanilang hiwalayan, nagkasama muli sa vlog sina Pambansang Kolokoy at Marites. Marami raw umano sa kanilang mga subscribers ang nakaka-miss kay Marites kaya naman pinagbigyan nila itong makita muli. Nagbigay mensahe rin si Pambansang Kolokoy sa mga balak na mag-unsubscribe sa kanya dahil sa nangyari.

Source: KAMI.com.gh