James Reid, ibinida si Issa Pressman sa kanyang Instagram post

- Nag-post si James Reid ng maiksing video clip kasama ang kanyang girlfriend na si Issa Pressman

- Ito ay kuha sa Gucci event na kamakailan ay dinaluhan nila kasama ang iba pang artista

- Kabilang ang ex ni James na si Nadine Lustre sa dumalo sa naturang event at nagkabatian sila ni James

- Hindi naman nakalampas sa komento ng netizens ang tila pagkakaparehas ng suot ng dating magkasintahan

Ibinida ni James Reid ang video clip nila ng girlfriend na si Issa Pressman nang dumalo sila sa isang event kamakailan. Ito ay matapos muling kiligin ang JaDine fas nang makita ang muling paghaharap nina James at Nadine.

Sa video clip na binahagi ni James, makikitang si Issa ang kumukuha ng video na nakatapat sa salamin habang umiindak silang dalawa.

Read also

Vice Ganda sa madlang people: “Nakapag-mass report na ba ang lahat?”

Agad na naging usap-usapan ang batian ng dating magkasintahan na dati pa man ay nagsasabing naghiwalay sila nang maayos.

Si James Reid ay isang Filipino - Australian actor. Una siyang nakilala bilang isa sa mga housemates ng Pinoy Big Brother: Teen Clash kung saan siya ang tinanghal na big winner noong 2010. Nakilala ang tambalan nila ng kanyang dating nobya na si Nadine Lustre bilang "JaDine." Matatandaang Enero ng taong 2020 nang aminin nina James at Nadine na hiwalay na sila. Gayunpaman, nanatili umano silang magkaibigan kaya ilang beses din silang namataang magkasama kahit hiwalay na sila.

Magkasama sina James at Issa na nanood ng concert ni Harry Styles kamakailan. Sa unang pagkakataon ay nagbahagi si Issa ng picture nilang magkasama na tila magkahawak-kamay. Si James din ay nagbahagi ng pictures at video kung saan makikitang kasama niya nga si Issa. Kahit walang pag-amin ay umani ng mga komento ang post nilang dalawa lalo at kinailangang ipagtanggol noon ni Yassi Pressman ang kapatid nang maiugnay kay James.

Read also

Bea Alonzo, viral dahil sa paghawak ng cake sa All Out Sundays; umani ng papuri

Nagbahagi naman si Yassi Pressman ng makahulugang mensahe sa kanyang Instagram stories sa gitna ng kinasasangkutang kontrobersiya ng kanyang kapatid. Hindi nito diretsahang sinabi na patungkol sa isyu ng kanyang kapatid ang sinabi niyang dapat abangang "2 sides of a story". Sa pag-viral ng picture ng kapatid niyang si Issa kasama si James Reid, naungkat ang ginawang pagtatanggol ni Yassi noon sa kapatid. Ito ay sa kasagsagan ng pagkakadawit noon kay Issa sa hiwalayang James at Nadine Lustre.

Source: KAMI.com.gh