Zeinab, ibinida ang scrapbook na bigay ni Xian Gaza: "Salamat mahal kong Gaza"

- Ibinahagi ni Zeinab Harake ang scrapbook na bigay sa kanya ni Xian Gaza

- Sa cover nito, makikita ang "10 things I love about Zeinab by Christian Gaza"

- Labis naman itong ipinagpasalamat ni Zeinab lalo at swerte raw siya na magkaroon ng kaibigan na tulad ni Xian

- Kamakailan, ibinahagi ni Zeinab kung paano niya ipinagdiwang ang Valentine's day kasama ang mga anak bilang kanyang mga ka-date

Ibinida ni Zeinab Harake ang scrapbook na regalo sa kanya ni Xian Gaza. Ayon pa kay Zeinab, nahihiya pa umano si Xian na ibigay ito sa kanya.

"May gift daw siya at nahihiya daw sya. Hell no! Isa to sa pinakamaganda at super sweet na gift na natanggap ko. No need gumastos ng malaki pero yung effort at nilalaman sobrang solid ang sarap sarap sa puso," ang bahagi ng caption ni Zeinab sa larawan ng kada page ng scrapbook.

Read also

Zeinab Harake, Valentine's date ang mga anak na sina Lucas at Bia

Makikita sa cover nito ang "10 things I love about Zeinab Harake by Christian Gaza" at sa bawat pahina, inihayag nga ni Xian ang mga bagay na ikinahahanga niya kay Zeinab.

Labis naman itong ipinagpapasalamat ni Zeinab at masuwerte umano siyang magkaroon ng kaibigan na tulad ni Xian.

"Ang sarap magkaron ng kaibigan na naaappreciate ka at nakikita ka ng totoo at buo salamat mahal kong gaza sobrang swerte ko meron akong katulad mo"

Narito ang kabuuan ng kanyang post:

Si Zeinab Harake ay isa sa mga kilalang YouTuber sa bansa na mayroon nang 13.3 million subscribers sa kanyang channel.

Sa mga huling vlogs niya noong 2022, ipinakita ni Zeinab ang pagpapahalaga sa sarili lalong-lalo na rin sa kanyang pamilya. Subalit, hindi pa rin ito nakalimot na magbahagi ng kanyang biyaya lalo na sa mga taong higit na nangangailangan ng tulong.

Read also

Parokya ni Edgar, nagbigay ng update sa lagay ng kabandang si Gab: "He’s still at the ICU"

Naibahagi rin niya umano ang mga natutunan niya noong nakaraang taon na inulan siya ng kabi-kabilang kontrobersiya.

Gayunpaman, labis-labis pa rin ang pasasalamat ni Zeinab na nagtapos pa ring matagumpay ang kanyang 2022.

Sa pagpasok naman ng 2023, kabi-kabila ang kanyang naging proyekto. Isa na rito ang pasabogniyang performance sa "Pinakamakinang concert" ng Brilliant Skin na ginanap kamakailan sa Araneta Coliseum.

Source: KAMI.com.gh