Bea Alonzo, pinagluto at sinorpresa ang mga kapitbahay na Aeta

- Binahagi ni Bea Alonzo sa kanyang vlog ang paraan nila ng kanyang pamilya kung paano sila nagbahagi ng kanilang biyaya

- Kasama ang kanyang kapatid at ang asawa nito, sila mismo ang nagluto ng Chicken Hamonado at Arroz Valenciana na kabilang sa kanilang pinakain sa mga katutubo

- Hindi maitago ng mga katutubo ang kanilang saya sa kabutihang loob ng pamilya ni Bea

- Pagkatapos ng kainan ay nagsayawan pa sila at naghandog ng kanilang katutubong sayaw

Mismong si Bea Alonzo, ang kanyang kapatid at hipag niya ang nagluto ng Chicken Hamonado at Arroz Valenciana na kabilang sa kanilang pinakain sa mga katutubong Aeta na kapitbahay nila sa kanilang farm. Hindi maitago ng mga katutubo ang kanilang saya sa kabutihang loob ng pamilya ni Bea.

Pagkatapos ng kanilang hapunan, naghandog ng kanilang katutubong sayaw ang mga batang Aetas. Maging sina Bea at ang kanyang ina ay nakisaya din sa kanila. Sumali sila sa sayawan ng mga katutubo.

Read also

Francine Diaz, kinaaliwan sa pakipagtawaran niya sa Bangkok, Thailand

Marami naman ang natuwa sa ginawang ito ni Bea. May mga namangha kung paano siya nananatiling matulungin sa kabila ng kanyang kasikatan.

Napaka bait talaga familya ni Bea kaya no wonder si Bea dami nagmamahal sakanya

I love you Bea for being kind to the indigenous people. You really touch the heart of many people all over the world.

Super kind and humble ni Ms. Bea Alonzo kaya super bless sya. Di sya nahihiyang makipag socialize sa mga Aetas na katutubo.

Si Bea Alonzo ay nakilala sa husay niya sa pag-arte. Isa siya sa pinakahinangaang katambal ni John Lloyd Cruz. Ilan sa kanilang blockbuster na pelikula ay One More Chance, Miss You Like Crazy, at A Second Chance.

Naibahagi ni Bea na isa na siyang legal na resident ng Spain kasunod ng kanyang pagbili ng apartment doon. Ayon sa kanya kagagaling lang niya sa mahabang bakasyon sa Spain para sa kanyang Golden Visa. Ito ang binibigay na Residency by Investment (RBI) program para sa mga banyaga na mag-iinvest sa real estate sa halagang di bababa sa 500,000 Euros o halos P30 million. Matatandaang kamakailan lang ay masayang binahagi ni Bea na nadala niya na ang kanyang ina sa Spain para ipakita ang nabili niyang apartment doon.

Read also

Anjo Yllana, inamin na hindi pa sila nagkakabati ni Jomari Yllana

Binahagi din ni Bea ang kanyang bagong hairstyle kamakailan na ayon sa marami sa mga nagkomento sa kanyang post ay bumagay sa kanya. Marami sa mga komento sa kanyang post ay nagsabing lalong bumata at gumanda si Bea sa kanyang bagong hairstyle. Bukod sa kanyang buhok, marami din ang nakapuna na blooming umano ito. Mayroon pang nagbanggit na lalo daw siyang gumaganda dahil siya ay nasa tamang tao.

Source: KAMI.com.gh