Vice Ganda, sinorpresa ang kanyang mga kababata sa probinsiya

- Sinorpresa ni Vice Ganda ang kanyang mga kababata at dating mga kalaro sa probinsiya tuwing nagbabakasyon siya sa bahay ng kanyang lolo

- Sa kanilang muling pagkikita, bukod sa kamustahan at kwentuhan tungkol sa kanilang kabataan, hindi pinalagpas ni Meme ang pagkakataon na mapasaya ang mga kababata

- Isa sa kanyang mga kababata ay binigyan niya ng pera para mabayaran na nito ang utang at sinagot niya din ang pagpapagamot nito

- Nagbigay din siya ng mga tulong sa pagpapagawa ng bahay, gamit at para sa pagpapaaral sa anak ng kanyang kababata

Pinasaya ni Vice Ganda ang kanyang mga kababata at mga naging kalaro sa probinsiya tuwing uuwi siya dati para magbakasyon sa kanyang lolo. Bukod sa kamustahan at kwentuhan tungkol sa kanilang kabataan, hindi pinalagpas ni Meme ang pagkakataon na mapasaya ang mga kababata.

Read also

Maegan Aguilar sa amang si Ka Freddie: "Kailangan ko kayo ngayon"

Isa sa kanyang kababata ay nagkasakit at nabaon sa utang dahil sa pagpapagamot. Naiyak ito matapos makausap si Vice sa telepono kung saan sinabi niyang babayaran nito ang utang niya at sasagutin ang pagpapagamot niya.

Washing machine naman at college scholarship para sa anak ng isa niyang kababat ang handog niya sa isa pa nilang kababata.

Bukod dito, nagbigay din siya ng mga baboy at pagpapagawa ng koral ng mga ito para sa pangkabuhayan ng isa pa nilang kababata.

Isang motor ang binigay niya sa isa pa nilang kababata.

Marami ang naantig sa ginawang ito ni Vice sa kanyang mga kababata.

Si Vice Ganda ay isa sa pinakasikat na komedyante at TV host sa kasalukuyan. Nakilalla siya sa kanyang husay sa pagpapatawa at mga pelikulang kadalasan ay tumatabo sa takilya. Kabilang din siya sa noontime show na It's Showtime na 13 taon nang napapanood sa ABS-CBN. Bukod sa kanyang pag-aartista, siya rin ay nagmamay-ari ng beauty products na Vice Cosmetics.

Read also

Anak ni Freddie Aguilar, sa labas ng convenience store natutulog; natulungan ng RTIA

Kinaaliwan ang video ni Vice Ganda na kanyang binahagi sa kanyang YouTube channel. Makikita sa kanyang bagong video ang nakakaaliw na reaksiyon ng kanyang mga co-host. Hinamon niya ang mga ito sa challenge niya gamit ang laruang bad dog na aniya ay natanggap niya bilang regalo. May alok din siyang premyo sa makakagawa ng kanyang challenge sa loob lamang ng takdang oras na binigay niya.

Naghayag naman si Vice Ganda ng kanyang pagka-miss kay Ion na sa kasalukuyan ay hindi niya kasama sa kanyang bakasyon. Base sa kanilang mga social media post, kasalukuyang nasa Japan si Ion samantalang kasama naman ni Vice ang ilang kaibigan at pamilya niya. Sa kabila ng pang-iintriga sa kanilang relasyon, nagbahagi ng mensahe si Vice kay Ion na na-mi-miss na niya umano ito. Nauna na ring umalma si Ion at nagsalita laban sa taong aniya ay wala nang boses pero wala pa ring magandang salitang lumalabas sa bibig.

Source: KAMI.com.gh