Luis Manzano, natanong si Bella Racelis tungkol kay 'Josh': "Kinilig 'di ba?"

- Nakapanayam ni Lius Manzano ang content creator na si Bella Racelis

- Si Bella ang babaeng nali-link umano sa aktor na si Joshua Garcia

- Matatandaang makailang beses na lumabas ang mga larawan nina Bella at Joshua na magkasama

- Dahil dito, pabirong natanong ni Luis si Bella kung sila na nga ba ni "Josh"

Isang makulit at masayang panayam ang naganap sa Luis Listens nang maging panauhin ni Luis Manzano si Bella Racelis.

Nalaman ng KAMI na masasabing ito ang kauna-unahang pagkakataon na na-interview si Bella matapos na ito ay ma-link sa aktor na si Joshua Garcia.

Wala mang kumpirmasyon noon subalit ilang beses na namataan na magkasama ang dalawa sa mga larawan. Mayroon pa ngang magka-holding hands pa sila 'di umano sa isang mall.

Dahil dito, natanong ni Luis si Bella tungkol kay "Josh."

Read also

Sylvia Sanchez, todo puri si Zanjoe ngunit ayaw pa umanong mag-asawa si Ria

"Sulitin na natin 'to, dahil minsan lang natin makasama si Bella. Dito mismo sa Luis Listens mangyayari. 'Bella, kayo ba ni Josh?" at napahinto naman ng ilang segundo si Bella bago ito sagutin.

"...Ng SB19, nagka-collab na ba kayo? Kasi galing 'yung mga 'yun, SB19," ang pagdugtong ni Luis sa kanyang tanong.

"Akala niyo na naman no? Mga Marites kasi kayo. Mga chismosa," pabirong nasabi ni Luis.

Gayunpaman, inamin ni Bella na masaya ang love life niya ngayon. "My heart is happy," aniya.

Narito ang kabuuan ng panayam ni Luis kay Bella mula sa YouTube channel nitong Luis Manzano:

Si Bella Racelis ang isa sa mga unang naging YouTuber sa bansa. Katunayan, pitong taon na siyang content creator at mayroon na siyang mahigit 1.2 million subscribers.

Samantala, sa Youtube channel ni Luis, matatandaang nakapanayam din niya si Herlene Budol. Doon nasabi pa niyang saludo siya kay Herlene na umano'y napaka-propesyunal na tao.

Read also

Megan Young, napamura matapos pagtripan ng mister na si Mikael Daez

Aniya, napakatotoo nito sa kanyang sarili at patunay lamang na si Herlene na ang taong dati lamang nangangarap at maari talaga itong makuha dala ng sipag, determinasyon at tamang pag-uugali.

Ilan sa mga kontrobersyal na personalidad na nakapanayam ni Luis kamakailan sa kanyang YouTube channel ay sina, Zeinab Harake, Carla Abellana, at si Kean Cipriano.

Source: KAMI.com.gh