Xian Gaza, nilinaw na hindi siya makikisali sa gulo nina Zeinab at Angelica Yap

- Nagbahagi si Xian Gaza ng picture niya kasama si Angelica Yap na kilala bilang si Pastillas Girl

- Sinagot niya ang mga komento sa kanya na balimbing daw siya dahil sa pakikipagkaibigan kay Angelica

- Ito ay dahil sa kanyang pagiging malapit na kaibigan din ni Zeinab Harake na naglabas ng sama ng loob laban kay Angelica na dati niya ding malapit na kaibigan

- Ani Xian, hindi siya makikisali sa gulo ng magkakaibigang ito at mananatili siyang isang tunay na kaibigan sa kanila kahit pa magkatampuhan ang magkaibigan

Sinagot ni Xian Gaza ang paratang sa kanya ng mga fans ni Zeinab Harake na isa daw siyang balimbing. Ito ay kasunod ng kanyang pagbahagi ng picture niya kasama sina Angelica Yap, Skusta Clee at Flow G.

Sa kanyang post, nabanggit niya na ang YouTuber na si Sachzna Laparan ang nagpakilala kay Angelica sa kanya. Kasalukuyan din umanong may tampuhan ang dalawa. Gayunpaman, nanatili ang kanyang pakikipagkaibigan sa kanila.

Aniya, imbes na tawagin siyang balimbing ay mas tamang tawagin siya bilang 'tunay na kaibigan' na lagi lang daw magiging kaibigan nila kahit magkasamaan pa sila ng loob.

Siguro instead of saying na balimbing ako, mas appropriate yung "tunay na kaibigan". Na kahit mag-away away pa kayo eh nandito ako para sa inyong lahat. Walang magbabago. Hindi ako makikisawsaw sa gulo niyo pero kapag may kalaban kayo ay asahan niyo ko sa tabi niyo.

Si Xian Gaza o Christian Albert Gaza ay unang nakilala sa social media matapos ang kanyang kontrobersiyal na billboard proposal sa aktres na si Erich Gonzales para mag-coffee. Nakilala din siya sa bansag na "pambansang scammer" matapos siyang akusahan ng pang-iiscam.

Matatandaang sinagot ni Donnalyn Bartolome ang post ni Xian tungkol sa umano'y mga babaeng nasa VIP table sa sikat na mga club ba kanyang binanggit. Ayon kay Xian, sa bawat story ng mga babaeng ito ay may sugar daddy na hindi kasama sa video. Ani Donnalyn, hindi dapat nilalahat dahil may mga babaeng kayang magbayad nang hindi umaasa sa sugar daddy. Nilinaw niya rin na hindi niya minamaliit ang mga babaeng gumagawa at humingi siya ng dispensa sa mga babaeng aniya ay nasaktan sa post ni Xian.

Kamakailan ay sinagot ni Xian ang post ni Donnalyn Bartolome kung saan inalmahan nito ang pahayag ni Gaza kaugnay sa "babaeng may sugar daddy." Ani Xian, ang kanyang dahilan sa pag-post ay para patamaan ang kanyang "sugar baby" na aniya ay dinala ang boyfriend sa gimikan gamit ang kanyang pinadalang pera. Dagdag pa niya kung may mga nasaktan sa kanyang post ay hindi na niya problema dahil wala naman daw siyang pake sa nararamdaman ng mga ito. Sinagot din ito ni Donnalyn at sinabing malayo umano ang explanation ni Xian sa "pambababa daw nito sa mga babae."

Source: KAMI.com.gh