Chesca Montano, nagdiwang ng 18th birthday sa Bali kasama ang mga magulang at mga kaibigan

- Nagdiwang ng kaarawan ang anak nina Sunshine Cruz at Cesar Montano na si Chesca Montano ng kanyang ika-18 na kaarawan

- Kasama ang kanyang mga kapatid, ang kanilang mga magulang at mga kaibigan ay magkasama silang nagdiwang sa Bali

- Kasama din nila ang kasalukuyang partner ni Cesar na naging malapit na rin sa mag-iina

- Muli ay marami ang natuwa sa pamilyang ito dahil sa kanilang magandang samahan sa kabila ng paghihiwalay ng dating mag-asawa

Kompleto ang pamilya nina Sunshine Cruz sa Bali kung saan nagdiwang sila ng kaarawan ng anak nila ni Cesar Montano na si Chesca Montano. Kasama din nila ang kasalukuyang partner ni Cesar na naging malapit na rin sa mag-iina.

Muli ay marami ang natuwa sa pamilyang ito dahil sa kanilang magandang samahan sa kabila ng paghihiwalay ng dating mag-asawa.

Read also

Panayam kay Daniel ukol sa A Very Good Girl kung saan 'nobya' pa ang tawag niya kay Kathryn, viral

Matatandaang simula nang magdiwang ng ika-18 na kaarawan ang isa sa mga anak nila noong nakaraang taon ay nagkaayos na ang dating mag-asawa. Sa katunayan ay nagdiwang sila ng ilang mahahalagang okasyon na kasama ang mag-iina at ang bagong pamilya ng aktor.

Sina Angelina at Samantha ay anak ni Cesar sa dating asawa niyang si Sunshine Cruz na mula sa sikat na angkan ng mga Cruz na kilala sa mundo ng showbiz. Ang kanyang mga pinsang sina Geneva Cruz, Donna Cruz, at Sheryl Cruz ay nakilala din sa pag-aartista at sa pag-awit. Nabiyayaan sila ng dating asawang si Cesar Montano ng tatlong anak na sina Angelina Isabelle, Samantha Angeline at Angel Franchesca. Kagaya ni Cesar, mayroon na ring bagong karelasyon si Sunshine.

Hindi pinalampas ni Sunshine ang isang basher na nagbanggit tungkol sa paggawa niya noon ng "bold movies." Aniya ito umano ang dahilan kung bakit na-turn off si Cesar Montano kay Sunshine kaya naghanap umano ito ng iba. Sagot ni Sunshine, hindi nito alam kung ano talaga ang mga nangyari sa kanila at hindi nila siya kilala. Sinabihan din ng aktres ang naturang basher na nag-komento na mag-move on na lang din siya.

Read also

Jerald Napoles, pinakita ang reaksiyon ni Kim Molina sa KathNiel breakup

Nag-post si Sunshine ng pictures na kuha sa 18th birthday celebration ng anak niya. Makikita sa kanyang picture na binahagi na kuha ng Nice Print Photgraphy na kasama din si Cesar sa pagdiriwang. Ito ang unang pagkakataon na nag-post si Sunshine ng picture nilang magkakasama simula nang maghiwalay sila ng dating asawa. Naroroon din ang kanyang kasalukuyang partner na si Macky Mathay at ang isa pang anak ni Cesar na si Diego Loyzaga.

Source: KAMI.com.gh