Bianca Lapus, umaasang mananaig ang katotohanan para kay Vhong Navarro

- Binahagi ni Bianca Lapus na pinangako niya kay Vhong Navarro na siya ang bahala sa mga anak nila noong araw na nagtungo ito sa NBI

- Aniya, buong-buo pa rin ang suporta niya sa dating asawa na kasalukuyan pa ring nasa kustodiya ng NBI

- Sa YouTube video na binahagi ng ABS-CBN entertainment writer na si Kiko Escuadro, nabanggit ni Bianca ang pagiging buo ng kanilang pamilya sa pagsuporta kay Vhong

- Patuloy umano siyang umaasang mananaig ang katotohanan para kay Vhong

Ayon kay Bianca Lapus, buong-buo pa rin ang suporta ng kanilang pamilya sa dati niyang asawang si Vhong Navarro sa gitna ng pinagdadaanan nito. Sa YouTube video na binahagi ng ABS-CBN entertainment writer na si Kiko Escuadro, nabanggit ni Bianca ang pagiging buo ng kanilang pamilya sa pagsuporta kay Vhong.

Read also

Wil Dasovich, tinanghal na panalo sa World Vlog Challenge

Aniya, may group chat silang pamilya at kahit noon pa man ay nagdadamayan sila kapag may problemang kinakaharap.

Nabanggit niya din na pinangako niya kay Vhong na siya ang bahala sa mga bata. Ito ay noong bago pa mapunta sa NBI si Vhong nang lumabas ang warrant of arrest sa kanya.

Kahit alam niyang malakas naman ang mga anak, naapektuhan pa rin ang mga ito at natatakot kung ano ang mangyayari sa kanilang ama.

Kagaya sa nauna niya nang nasabi, buo ang suporta niya sa dating asawa.

“Of course, we stand by Vhong. We know the truth will prevail and naniniwala talaga kami na walang kasalanan si Vhong”

Si Vhong Navarro ay nakilala sa mundo ng showbiz bilang isa sa miyembro ng all-male dancers na Streetboys. Sumikat din siya sa kanyang novelty songs na Totoy Bibo, Don Romantico at Chickboy. Naging bida din siya ng ilang pelikula kagaya ng Da Possessed, My Only You, Unli Life, D' Anothers, at Agent X44. Ikinasal siya sa creative manager at screenwriter na si Tanya Bautista.

Read also

Vice Ganda, sinubukang maging PA ni Regine Velasquez para sa kanyang vlog

Matapos ang kanyang pagpapahinga sa pagbabahagi ng YouTube content, muling nag-upload si Vhong ng bagong video sa kanyang YouTube channel. Ibinahagi niya ang isang car tour sa kanyang customized van na kanyang pinagawa sa Atoy Customs na kilala sa paggawa ng mga artista vans. Ani Vhong second hand niya lang nabili ang naturang van ngunit nagawa umano itong pagmukhaing sosyal matapos niyang ipa-customize. Sa kanyang vlog, pinakita ni Vhong ang iba't-ibang bahagi ng kanyang van na aniya ay bagay para sa kanya lalo na sa kanyang trabaho.

Nag-file ng kaso ang Taguig prosecutors laban kay Vhong Navarro nitong araw kaugnay sa umano'y panggagahasa ng TV host kay Deniece Cornejo. Nauna nang binasura ng DOJ ang reklamo ni Cornejo dahil sa umano'y inconsistent na pahayag nito. Gayunpaman, pinayagan ng Court of Appeals ang petition ng kampo ni Cornejo kaugnay sa pagkakabasura ng kanyang reklamo. Mas maigi umano ayon sa Court of Appeals na patunayan ni Vhong ang na hindi totoo ang alegasyon sa kanya sa pamamagitan ng paglilitis sa kaso.

Source: KAMI.com.gh