Janella Salvador, nilinaw na gusto niya ng tinapa: "Hindi ko lang inexpect"

- Nilinaw ni Janella Salvador na gusto niya ang natanggap na tinapa mula sa kanyang fan

- Ito ay matapos umani ng mga komento at reaksiyon ang nauna niyang post kung saan sinabi niyang kailangan niya ng paliwanag sa naturang regalo

- Ani Janella, nabigla lamang siya at hindi niya inasahang tinapa ang bubungad sa kanya nang buksan ang balot na crepe paper na may ribbon pa umano

- Aniya, excited na siyang prituhin ang natanggap na "litol fishy" at pinasalamatan din niya ang fan na nagbigay

Minabuti ni Janella Salvador na linawin ang tungkol sa nauna niyang post tungkol sa natanggap na regalong tinapa mula sa isang fan. Ani Janella, nabigla lamang siya at hindi niya inasahang tinapa ang bubungad sa kanya nang buksan ang balot na crepe paper na may ribbon pa umano.

Read also

Zeinab Harake, niregaluhan ang sarili; "First Hermes ngayong 24 na ako"

Matapos kasi niyang ilabas ang naunang tweet kung saan pabiro niyang sinabi na kailangan niya ng paliwanag sa natanggap na regalo, umani ng samu't-saring komento ito.

Para naman sa mga tagahanga ni Janella, wala siyang dapat ipaliwanag dahil alam umano nila ang ibig sabihin ng aktres.

Just to clarify: i LOVE tinapa!!! Hindi ko lang inexpect na isda yung bubungad sakin when I unwrapped the crepe paper with a ribbon Excited to fry this litol fishy. Tankoo!

Si Janella Salvador ay nakilala sa kanyang husay sa pag-awit at sa pag-arte. Naipareha siya kay Elmo Magalona sa teleseryeng "Born For You". Gayunpaman, hindi naging maganda ang kinalabasan ng kanilang relasyon matapos sabihin ni Janella na sinaktan umano siya ni Elmo. Kinalaaunan ay isinapubliko nila ni Markus Paterson ang tungkol sa kanilang relasyon. Sila ay nabiyayaan ng isang anak.

Read also

Post ni Zeinab Harake na tila ipinakikita ang suot na singsing, inulan ng "congratulations!"

Matapos maibalita ang tungkol sa pagkakakilanlan ng artistang gaganap bilang Valentina sa telseryeng Darna, marami ang bumati kay Janella. Sa kanyang post sa social media ay pinasalamatan ni Janella ang lahat ng bumati sa kanya. Ito ang kanyang magiging unang serye simula nang bumalik siya matapos niyang manganak. Gaganap siya bilang si Valentina, ang magiging kaaway ng bidang si Darna na gagampanan naman ni Jane de Leon.

Samantala, sa kanyang Instagram post ay pinakilala ni Janella ang kanyang bagong alagang ahas na pinangalanan niyang si Versace. Makikitang hinahawakan niya ang kanyang five-month-old na alaga na aniya ay kanyang baby girl. Tugmang-tugma ito sa kanyang bagong gagampanang karakter sa teleseryeng Darna na nakatakdang ilabas. Siya ang gaganap bilang si Valentina, ang kontrabida ng sikat na serye na nauna na ring naipalabas rin at nagawan ng maraming version.

Source: KAMI.com.gh