Rica Peralejo, titigil muna sa pag-jump rope dahil sa pagkakaroon ng sciatica

- Aminado si Rica Peralejo na natakot siya para sa kanyang kalusugan lalo na noong hindi pa niya nalalaman kung ano ba talaga ang naging dahilan ng mga naransan niyang mga sintomas

- Gayunpaman, sa paglabas ng diagnosis ng kanyang doktor kaugnay sa kanyang karamdaman, napag-alaman niyang nagkaroon siya ng bulging disc

- Dahil dito ay kakakailanganin niyang tumigil muna sa nakakahiligan niyang pag-ju-jump rope ngunit ito ay pansamantala lang naman

- Sasailalim muna siya sa therapy para umayos ang kalagayan ng kanyang katawan at saka lamang siya makakabalik sa pag-jump rope

Binahagi ni Rica Peralejo ang naging diagnosis sa kanya matapos niyang sumailalim sa MRI kamakailan. Aniya kakailanganin niyang tumigil muna sa pag-jump rope dahil sa pagkakaroon ng sciatica.

Ang sciatica ay kadalasang dahil sa herniated disc sa spine. Sasailalim muna siya sa therapy para umayos ang kalagayan ng kanyang katawan at saka lamang siya makakabalik sa pag-jump rope.

Read also

Pambansang Kolokoy, nakiusap na huwag nang pakialaman ang kanilang pribadong buhay

Nagsimula si Rica Peralejo sa pag-aartista sa pamamagitan ng Ang TV. Naging bahagi din siya ng Gimik at Oka Tokat, Mula sa Puso, Marinella, Kay Tagal Kang Hinintay, Sineserye Presents: Palimos ng Pag-ibig, Sa Piling Mo at Pangarap na Bituin. Iniwan ni Rica ang pag-aartista upang matutukan ang kanyang pamilya. Biniyayaan sila ng kanyang asawang si pastor Joseph Bonifacio ng dalawang anak na lalaki.

Isa sa pinagpapasalamat umano ni Rica sa taong 2021 ay ang natanggap nilang bagong sasakyan lalo na at dumating umano ito sa panahong kailangan ng kanilang pamilya. Hindi na binanggit ni Rica kung kanino ito galing ngunit aniya ay ikukuwento niya ito sa susunod niyang mga vlog. Hindi naman maitago ng kanilang mga anak ang pagkakaroon nila ng bagong sasakyan lalo na ang kanilang panganay. Ani Rica, matagal na panahon din silang walang bagong sasakyan at akala umano nilang mag-asawa ay mabubulok na lang sa kanila ang sasakyan nila bago sila magkaroon ng bago.

Pinakita ni Rica ang ilang bahagi ng kanyang bahay matapos niya itong iparenovate. Kabilang sa kanyang pinakita ay ang kanilang garahe at ang kanyang gym room. Aniya, dalawang taon ding inabot bago niya tuluyang maipakita ang bahay na kanyang pinarenovate. Nakatakda pa umano niyang ibahagi ang ilan pang bahagi ng kanilang pinarenovate na bahay.

Source: KAMI.com.gh