Ivana Alawi, pinasaya ang pamilya at staff sa kanyang Hakot Challenge

- Muling nakapag-isip ng paraan si Ivana Alawi upang mapasaya ang mga taong malapit sa kanya

- Dinala niya ang kanyang pamilya at maging ang kanyang staff sa mall para sa kanyang 1 minute hakot challenge

- Pumili din siya ng dalawang tao na naroroon sa store na pinasali niya sa kanyang challenge

- Umabot sa mahigit P200,000 ang kanyang binayaran sa lahat ng nahakot na mga damit sa isang store

Bukod sa kanyang pamilya na kinabibilangan ng kanyang kapatid na sina Amira, Mona, Hashim, kasama din sa pinasaya ni Ivana ang kanyang ina at pamangkin. Maging ang kanyang driver at staff ay sinali niya sa kanyang 1 minute hakot challenge.

Dahil groceries ang nais ng kanyang ina, pinagbigyan ni Ivana ang kanilang mama at dinala sa grocery store kung saan dnagdagan niya ng isang minuto pa ang oras ng paghahakot nito. Masayang-masaya naman ang kanyang mama sa kanyang nahakot.

Read also

Vice Ganda at mga kaibigan, kinaaliwan sa kanilang kulitan

Para naman sa kanyang mga kapatid, damit ang kanilang gusto kaya dinala niya ang mga ito sa isang store. Bukod sa mga kapatid, humakot din ang kanyang mga staff at maging ang kanilang driver. Pumili din ng dalawang tao doon sa store si Ivana at pinasali sa kanyang challenge.

Maging ang pamangkin niyang anak ng kapatid na si Amira ay pinaghakot niya ng mga laruan. Umabot sa mahigit P200,000 ang kanyang binayaran sa lahat ng nahakot na mga damit sa isang store.

Si Ivana Alawi ay naunang nakilala nang sumali siya sa "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit labingtatlong milyon ang kanyang YouTube subscribers.

Kamakailan ay marami ang naantig sa vlog ni Ivana na kung saan nagpanggap siyang pulubi at nanghingi ng tulong sa mga taong kanyang nakita sa daan. Naiyak si Ivana dahil sa kabutihang pinakita sa kanya ng isang kutsinta vendor.

Read also

Bea Alonzo, ginamitan ng pangmalakasang acting ang pagpaprank niya sa mga kaibigan

Dahil dito ay hinanap ni Ivana ang vendor para mas makilala pa at matulungan ito. Kamakailan nga ay nagkita silang muli.

Kamakailan ay patok din ang vlog ni Ivana kung saan ay napagtripan niyang i-prank ang kanyang kapatid na si Hashim.

Source: KAMI.com.gh