Miles Ocampo, lumipat na rin sa talent management ni Maja Salvador

- Sa kanyang Instagram post, ibinahagi ni Miles Ocampo ang kanyang picture kung saan nagpahiwatig siya ng panibagong simula

- Kapansin-pansin din ang mga letrang CAM na naka-capitalize na nangangahulugang Crown Artist Management

- Maging ang aktres na si Maja Salvador na kilalang may-ari ng naturang agency ay nagkomento sa Instagram post ni Miles

- Matatandaang nauna na si John Lloyd Cruz na lumipat sa pangangalaga ng Crown Artist Management

Lumipat na rin si Miles Ocampo sa talent Agency na pagmamay-ari ni Maja Salvador. Matatandaang naunang lumipat si John Lloyd Cruz sa pangangalaga ng Crown Artist Management.

Sa isang Instagram post ay pinakita ang picture na may caption na "New Chapter." Kapansin-pansin din na nakasulat sa malalaking letra ang mga titik CAM. Maging sa Instagram account ng Crown Artist Management ay naka-post na rin ang kanyang picture.

Read also

Gladys Reyes, nag-concert sa kanyang birthday party: "'Yung mga bisita ko walang umalis"

Maging ang aktres na si Maja Salvador na kilalang may-ari ng naturang agency ay nagkomento sa Instagram post ni Miles.

Samantala, marami naman ang nanghinayang kay Miles dahil hindi pa rin umano ito nabibigyan ng break kahit magaling siyang aktres:

Nasasayangan ako kay Miles..ang galing nito umarte eh..kaso may binigyan ng dos ng project ang mga kagaya ng pbb ex hmts.

Magaling siya pero mas nabibigyan ng magagandang projects at break yung mga galing sa PBB and to think homegrown talent siya. Sana mas mas magbloom pa ang career niya with her new agency

Who knows baka maging Dimples Romana or Jodi Sta. Maria siya in the future.

Si Miles Ocampo o Camille Tan Hojilla sa tunay na buhay ay isang Filipina actress, model, writer, at singer. Naging bahagi siya ng dating ABS-CBN gag show Goin' Bulilit. Naging bahagi siya ng Star Magic. Ilan sa kanyang mga nakatrabaho kung saan siya ang gumanap sa mga supporting roles ay sina Sarah Geronimo, Sharon Cuneta, Kim Chiu at Lorna Tolentino.

Read also

Gardo Versoza, nagbahagi ng bagong TikTok video habang nagpapagaling

Si Miles ay kilalang malapit sa mag-iinang Kris Aquino, Bimby at Joshua. Sa katunayan ay maging si Kris ay palaging nagsasabi kung gaano niya kamahal si Miles. Tinuturing nila itong parang kapamilya nila. Kaya naman, ikinabigla niya at ikinalungkot ang paglabas ng fake news na nabuntis umano siya ng isa sa mga anak ni Kris. Agad niya itong inalmahan at pinaalalahanan ang publiko na maging mapanuri sa pinapaniwalaang mga balita.

Source: KAMI.com.gh