Joey Albert, cancer survivor na muling nagbabalik sa entablado

• Si Joey Albert ay 66 years old na at 45 years na sa entertainment industry, kilala sa mga kantang Ikaw Lang Ang Mamahalin, I Remember the Boy, Points of View, at marami pang iba
• Aminado siyang dumaan sa health challenges, kabilang ang pagkawala ng boses sa loob ng anim na buwan, kaya’t muling nag-aral at nag-practice ng pagkanta sa pamamagitan ng Joey’s Jams
• Tatlong beses siyang nagkaroon ng cancer ngunit ngayon ay 10 years nang cancer-free, at patuloy na nag-aadjust sa mga pagbabago ng katawan sa pamamagitan ng exercise at tamang lifestyle
• Magkakaroon siya ng 45th anniversary concert na pinamagatang FORTYfied, Joey Albert 45, kasama sina Martin Nievera, Pops Fernandez, Raymond Lauchengco, Janet Basco, Iwi Laurel, Chad Borja, Janice de Belen, Judith Banal, at Pops Fernandez sa Newport Performing Arts Theater

Hindi akalain ng marami na 66 years old na pala si Joey Albert, isa sa mga pinakatanyag na OPM singers na nagbigay ng mga kantang tumatak sa puso ng mga Pilipino tulad ng Ikaw Lang Ang Mamahalin, I Remember the Boy, Points of View, Million Miles Away, Yakapin Mo Ako, Tell Me, Memories, Iisa Pa Lamang, at marami pang iba. Sa loob ng 45 taon sa industriya, aminado siyang dumaan siya sa matitinding pagsubok, ngunit nanatili siyang matatag at patuloy na nagbabahagi ng musika.

Read also

Popstar Royalty, pinabulaanan ang isyu ng politika matapos kumalat ang video

Ayon kay Joey, dumaan siya sa panahon na akala niya ay katapusan na ng kanyang career bilang singer dahil sa pagkawala ng kanyang boses sa loob ng anim na buwan. “I’m 66 now. So at some point, you know, your body changes and there are health challenges. And there was a time, for about six months, hindi ako nakakanta, and I had to go to the doctor. And I had to relearn how to sing, and that is why I do Joey’s Jams every Saturday,” ani niya.

Bukod sa boses, tatlong beses na rin siyang nagkaroon ng cancer. Una noong 1995, pangalawa noong 2003, at huli noong 2015. Sa kabila nito, nanatili siyang matatag at ngayon ay 10 years nang cancer-free.

Hindi rin niya nakalimutang magpatawa sa gitna ng seryosong usapan, nang sabihin niyang “You can call me sis, kasi mayroon akong osteoporosis. May anterolisthesis, may madami ng sis.” Sa kabila ng mga health challenges, patuloy siyang nag-eehersisyo at gumagawa ng paraan upang mapanatili ang kanyang lakas.

Read also

Marian Rivera, pinagtanggol ni Rita Avila sa gitna ng puna sa English grammar

Ngayong Abril 26, 2025, gaganapin ang kanyang 45th anniversary concert na pinamagatang FORTYfied, Joey Albert 45 sa Newport Performing Arts Theater. Kasama niya sa entablado ang mga kaibigan at kapwa singers tulad nina Martin Nievera, Raymond Lauchengco, Janet Basco, Iwi Laurel, Chad Borja, Janice de Belen, Judith Banal, at Pops Fernandez.

Aminado si Joey na wala siyang regrets sa naging desisyon niyang iwan ang Pilipinas noong 1995 upang magpagamot sa Canada. “Siguro, okay na rin kasi I get the best of both worlds. I have the peace of family life. Tapos, nakakaawit pa rin naman ako. Awa na Diyos, hindi pa rin ako nakakalimutan,” aniya.

Si Joey Albert ay isa sa mga pinakatanyag na OPM singers noong dekada ’80 at ’90. Kilala siya sa kanyang mga ballad at love songs na naging bahagi ng buhay ng maraming Pilipino. Sa kabila ng kanyang mga health challenges, nanatili siyang inspirasyon sa mga kabataan at kapwa artists dahil sa kanyang determinasyon na ipagpatuloy ang musika.

Matapos ang pagbabalik ni Joey Albert sa spotlight, muling napag-usapan ang mga kwento ng ibang celebrities na dumaan din sa health challenges:

Si Kenneth Medrano ay nagbahagi ng kanyang matinding sakripisyo sa laban sa testicular cancer. Ayon sa kanya, hindi naging madali ang proseso ngunit nanatili siyang matatag at inspirasyon sa kanyang mga tagahanga. Basahin ang buong detalye dito.

Read also

Dating management ni Janine, nagsalita sa paglipat niya sa Star Magic

Si Ashley Rivera naman ay nagbahagi ng emosyonal na video kasama ang kanyang ina na nakikipaglaban sa cancer. Ang kanilang kwento ay nagbigay ng inspirasyon sa maraming netizens na patuloy na lumalaban sa kani-kanilang mga pagsubok. Basahin ang artikulo dito.

Source: KAMI.com.gh