Tagalog

2 suspek sa pagpatay sa estudyanteng isinilid sa storage box, naaresto

Sunday, June 09, 2019 at 12:57 PM by Annie Symone

-Naaresto na ang dalawa sa tatlong suspek sa pagpatay sa estudyanteng si Carl Laurence Demerey

-Si Demerey ang graduating student na natagpuang patay sa Biñan, Laguna at nakasilid sa isang storage box

-Patuloy pa rin ang pagtugis sa isa pang suspek ayon sa mga awtoridad

PAY ATTENTION: Click "See First" under the "Following" tab to see

Natiklo na ang dalawa sa tatlong suspek sa pagpatay sa estudyanteng si Carl Laurence Demerey na natagpuang bangkay na sa Biñan, Laguna.

Una nang naiulat ng KAMI na nakita nag bangkay ni Demerey sa isang bakanteng lote sat nakasilid sa isang plastic storage box.

Ayon sa ulat ni Henry Atuelan ng ABS-CBN News, kinilala ang dalawang naaresto na sina Najir Macaorao at Abdul Canapio ayon kay Police Col. Danilo Mendoza, chief ng Biñan police.

Samantalang patuloy pa rin ang pagtugis sa isa pang suspek ng mga ito.

Read also

Awra Briguela, dinipensahan ang kaibigang si Zeinab Harake sa mga bashers

Ayon pa sa ulat, mayroon ng tinitignang motibo sa krimen ngunit hindi muna ito idinetalye ng pulisya dahil mayroon pang follow up operation laban sa ikatlong suspek.

PAY ATTENTION: Using free basics app to access internet for free? Now you can read

Nakatulong raw sa mga awtoridad para madakip ang mga salarin ang mga CCTV footage kung saan nakita ang mga ito sa lugar.

Matatandaang Martes ng umaga nang makita ng caretaker ng bakanteng lote ang storage box na kinalalagyan ng bangkay ni Demerey.

Ayon dito, puno ng galos ang katawan ng 24-anyos na binata at mukhang pinahirapan ito.

Tinatayang nasa dalawang araw na itong patay bago matagpuan ayon pa din sa mga awtoridad.

Blangko naman ang mga kaanak ng binata sa motibo ng pagpatay dito dahil mabait at paka-kaibigan raw ito.

Magtatapos na sana sa kursong Accountancy si Demerey.

Enjoyed reading our story? Download KAMI's news app on Google Play now and stay up-to-date with major Filipino news!