Cristy Fermin, pinasalamatan si Andrea Brillantes; "Lalong napalapit sa puso ko"

- Pinasalamatan ni Cristy Fermin ang young actress na si Andrea Brillantes

- Sa bagong episode ng Showbiz Now Na! nabanggit ni Cristy na 'di nakalimot si Andrea sa kanyang kaarawan

- Sa ginawa raw na iyon ng aktres, napalapit lalo ito sa puso niya

- Matatandaang nadadalas noon ang pagbibigay komento ni Cristy kay Andrea lalo na sa mga isyung kinasangkutan nito kamakailan

Biglang naisingit ni Cristy Fermin ang pasasalamat sa young actress na si Andra Brillantes sa episode ng Showbiz Now Na! o SNN ngayong Hulyo 31.

Naikwento ni Cristy na hindi raw umano nakalimot si Andrea sa kanyang kaarawan kamakailan.

"Ay, lalong napalapit sa puso ko... si Andrea Brillantes. Sa dami ng pitik na ginagawa ko hindi nakalimot noong kaarawan ko," ani Cristy.

"Andrea, maraming salamat sa'yo," dagdag pa ng batikang showbiz writer at reporter.

Read also

Luis Manzano, inaming si Jessie Mendiola ang mas may cash sa kanilang dalawa

Matatandaang kasing si Cristy ang isa sa madalas na magkomento kay Andrea sa tuwing mayroon itong kinasasangkutang isyu.

Tulad na lamang ng pagkukumpara nito kay Francine Diaz na noo'y na-link umano sa kapareha ni Andrea na si Seth Fedelin.

At maging ang pagbi-baby talk ni Andrea habang bumibili ito sa isang tindahan sa Siargao na nakunan ng video.

Aminado rin noon si Cristy na hindi ito kinilig sa naging proposal ni Ricci Rivero kay Andrea na naging usap-usapan din.

Gayunpaman, tila natunaw ang puso ng kolumnista sa pag-alaala ni Andrea sa kanyang kaarawan.

Narito ang kabuuan ng kanyang pahayag:

Si Cristy Fermin ay isang veteran showbiz columnist at reporter sa Pilipinas. Sa loob ng ilang dekada, ilang talk shows na rin ang kanyang pinagbidahan kung saan mahihinuha ang mga latest showbiz chika.

Read also

Maine Mendoza, isinapubliko ang engagement nila ni Arjo Atayde

Isa sa mga napag-usapan kamakailan nina Cristy, Romel Chika at Morly Alinio sa kanilang YouTube channel na Showbiz Now Na! ay ang balitang buntis umano si AJ Raval at ang ama umano ng dinadala nito ay walang iba kundi si Aljur Abrenica.

Kamakailan, naglabas si AJ ng video kung saan pinaalalahanan niya ang mga tao na huwag basta maniniwala sa mga bali-balita. Sinasabing ito ang sagot at pagpapatunay ng aktres na walang katotohanang siya ay nagdadalang-tao.

Source: KAMI.com.gh