Sa tulong ng suki; Balut vendor, nabiyayaan ng pera at motorsiklo

Wednesday, June 16, 2021 at 9:57 PM by Marisse Gulferica

- Isang balut vendor sa Cavite ang nasurpresa nang makatanggap ng mga biyaya sa tulong ng kanyang suki

- Kilalang masipag at masayahin ang vendor kaya naman hindi kataka-takang marami sa kanyang suki ang nagmamalasakit sa kanya

- Lumang bisikleta na umano ang gamit ng vendor sa pagtitinda kaya naisipan ng suki na mabigyan ito ng bagong magagamit

- Isang negosyante ang nagbigay ng motorsiklo at tulong pinansyal sa balut vendor bilang malapit na ang Father's day

PAY ATTENTION: Click "See First" under the "Following" tab to see KAMI news on your News Feed!

Walang pagsidlan ng labis na kaligayahan ang isang balut vendor sa Rosario, Cavite nang makatanggap siya ng hindi inaasahang biyaya.

Nalaman ng KAMI na dahil sa kabaitan ng vendor na si Raymond Malandras, mayroong nagmalasakit at gumawa ng paraan na masurpresa siya bilang advance "Father's Day" gift sa kanya.

Walong taon nang balut vendor si Raymond. At dahil sa kanyang kabutihan at pagiging masayahin, marami na rin siyang naging suki.

Read also

Delivery rider, proud na nakapagtapos ng kolehiyo habang nagtatrabaho

Sa tulong ng suki; Balut vendor, nabiyayaan ng pera at motorsiklo — Photo: Raymond Malandras (Epifanio Delos Santos Avenue)
Source: Facebook

Isa na rito si Mike Evander Presa, na tagapamahala ng JDP Motorparts. Kwento ni Mike, alam daw niya ang hirap at sakripisyo ni Raymond sa paghahanapbuhay para sa kanyang misis at dalawang anak.

Lumang bisikleta na raw kasi ang gamit ni Raymond sa paglalako nito ng balut penoy, pugo, mani, at crackers habang nililibot ang kanilang lugar.

Kaya naman naisipan ni Mike na kausapin ang isa niyang kaibigang negosyante na si Renz Marlon Mateo.

PAY ATTENTION: Shop with KAMI! The best offers and discounts on the market, product reviews and feedback

Dahil kay Renz, natulungan nila ni Mike si Raymond na magkaroon ng Honda Wave Dash.

Napag-alaman din nilang nagda-dialysis ang misis ng vendor kaya naman dinagdagan pa nila ang tulong dito at inabutan din siya ni Renz ng Php10,000.

"Sana makatulong ang motor na yan sa kanyang paglalako ng balot at yang halagang 10k ay kahit papano ay makatulong sa kanyang asawang may sakit," pahayag ni Renz na masayang nakatulong sa masipag na padre de pamilya na si Raymond.