2-anyos na bata, namatay matapos bumigay ang baga sa gitna ng dental procedure

• Namatay ang isang 2-anyos na bata matapos bumigay ang kanyang baga habang sumasailalim sa dental procedure na may anesthesia
• Ayon sa ama, maayos at malusog ang bata bago ang operasyon ngunit bigla na lang silang sinabihan ng mga nurse na dinala na sa ospital ang kanilang anak
• Naghahanap ngayon ng kasagutan ang mga magulang kung ano talaga ang nangyari at inilarawan nila ang anak bilang "the best child on this planet"
• Sinabi ng North Carolina Dental Board na sisimulan nila ang imbestigasyon at lilinawin kung ang pagkamatay ay dahil sa sedation o sa dental treatment mismo

Isinasagawa ang imbestigasyon matapos mamatay ang isang batang lalaki nang bumigay ang kanyang baga sa gitna ng cavity surgery na may anesthesia.

Ang magulang ng bata mula Salisbury, Wiltshire, England ay nagsabing walang problema ang kanilang anak bago dalhin sa Valleygate Dental Surgery Center sa Greensboro.

Ayon sa ama na si David Mitchell, sinuri ang puso, timbang, at lahat ng vital signs ng bata at maayos ang lahat hanggang dinala siya sa operasyon.

Read also

Cebu quake survivors, natutulog na lang sa plastic bags para makaiwas sa ulan

Kwento ni Mitchell, nagulat sila nang sabihing nasa ospital na ang kanilang anak at wala na sa dental center.

Nagtanong pa sila kung nasaan ang kanilang anak at doon nalaman na isinugod na ito sa ambulansya.

Hindi makapaniwala ang mga magulang at nais nilang makuha ang buong paliwanag.

Sinabi ng ama na marami pa ring tanong ang wala pang sagot at inilarawan niya ang kanyang anak bilang pinakamasayang bata sa mundo.

Sa pahayag ng North Carolina Dental Board, lubos silang nalungkot sa trahedyang ito at tiniyak na magsasagawa ng masusing imbestigasyon.

Nilinaw nila na hindi lisensyado ng kanilang board ang Valleygate Dental Surgery Center at maaaring ang kaso ay may kinalaman sa sedation ng isang medical provider o sa dental treatment mismo.

Wala pang komento ang Valleygate Dental Surgery Center tungkol sa insidente.

Basahin ang artikulo na nilathala ng PhilSTAR Life dito upang malaman ang iba pang detalye tungkol sa kwentong ito.

Ang mga balita, larawan, o video na nakakaantig ng interes ng mga netizen ay madalas nagiging viral sa social media dahil sa atensyon na ibinibigay ng publiko. Ang ganitong mga post ay kadalasang tumatama sa emosyon ng mga netizen, at sa ilang pagkakataon, maaari rin itong mangyari sa mga karaniwang tao, na mas nagiging relatable sa marami.

Read also

Pagkuha sa mga natabunan ng malalaking tipak ng bato mula sa lindol, pahirapan

Sa isang naunang ulat ng KAMI, isang pamilya na binubuo ng tatlo ay walang-awang pinagbabaril hanggang mamatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa kanilang tindahan, isinara ang roll-up door, at pinagbabaril ang buong pamilya. Bago tumakas, kinuha pa ng isa sa mga suspek ang isang bag at cellphone mula sa biktima. Ayon sa ulat ni Gary De Leon ng TV 5 na “Frontline Pilipinas,” nagsimulang makatanggap ng pagbabanta ang pamilya matapos nilang pautangin ng P1-M ang isang residente sa kanilang barangay, na umano’y ginamit ang pera para sa negosyo.

Sa isa pang viral na lokal na ulat, isang 51-anyos na teacher sa pampublikong paaralan sa Las Piñas City ang paulit-ulit na sinaksak ng sariling asawa. Batay sa ulat ni EJ Gomez ng “Unang Balita,” naganap ang krimen sa loob mismo ng faculty room ng paaralan. Ayon sa mga pulis, may guwardiya ang paaralan ngunit dahil kilala ang suspek sa lugar, madali nitong nagawang makapasok at makalabas. Ayon sa suspek, pumunta siya roon upang kausapin ang kanyang asawa at ayusin ang kanilang hindi pagkakaunawaan, ngunit nauwi ito sa matinding pagtatalo.

Source: KAMI.com.gh