Netizens, naantig sa sitwasyon ng unggoy na si Punch sa Ichikawa City Zoo

• Nag-viral sa social media ang kwento ng batang Japanese macaque na si Punch mula sa Ichikawa City Zoo dahil sa kanyang emosyonal na kalagayan
• Umani ng matinding simpatya mula sa mga netizen ang video ni Punch na tanging isang stuffed toy na orangutan lamang ang kayakap matapos siyang iwan ng kanyang ina
• Nagdulot ng pag-aalala sa publiko ang isang footage kung saan makikitang tila dinidisiplina si Punch ng isang nakatatandang unggoy sa loob ng kanilang enclosure
• Naglabas ng opisyal na pahayag ang Ichikawa City Zoo noong Pebrero 20 upang ipaliwanag ang natural na proseso ng integrasyon at ang katatagang ipinamamalas ng batang unggoy

Matapos ang kasikatan ng baby hippo na si Moo Deng sa Thailand noong 2024, isang bagong hayop naman ang kinagigiliwan at kinahahabagan ngayon ng mga netizen. Ito ay ang batang Japanese macaque na si Punch na naninirahan sa Ichikawa City Zoo sa Japan.

Nagsimulang mag-viral si Punch dahil sa kanyang heartbreaking na sitwasyon. Ayon sa mga ulat, inabandona si Punch ng kanyang sariling ina. Dahil walang magulang na mayakap o mapagkunan ng init, binigyan siya ng mga tagapangalaga ng zoo ng isang stuffed orangutan toy. Ang mga larawan ni Punch na mahigpit na nakayakap sa kanyang laruan ay mabilis na kumalat online at umani ng simpatya mula sa mga tao sa iba’t ibang panig ng mundo.

Read also

Alvin Aragon, kinuwestiyon ang pagsuporta nina Gloc-9 at K Brosas sa kanilang mga anak

Ngunit kamakailan lang, lalong bumuhos ang awa para sa batang unggoy nang kumalat ang isang video kung saan makikitang kinaladkad si Punch ng isang mas nakatatandang unggoy habang umiiyak ito. Matapos bitawan, agad na tumakbo si Punch patungo sa kanyang stuffed toy para kumuha ng lakas at comfort. Maraming netizen ang nagpahayag ng kanilang pag-aalala at lungkot sa nasabing tagpo, lalo na't tanging ang laruan lamang ang kanyang takbuhan.

Dahil sa dami ng nag-alala, tumugon ang Ichikawa City Zoo nitong Pebrero 20 upang linawin ang nangyari. Ayon sa kanilang pahayag, ang nakitang aksyon ay bahagi ng social dynamics sa loob ng grupo ng mga unggoy.

“We have confirmed that several videos have gone viral on the internet. When Punch approached another baby monkey from the troop in [an] attempt to communicate, the baby monkey avoided him. Punch then sat down, apparently giving up on communicating with the monkey, after which he was scolded and dragged by an adult monkey,” saad ng statement mula sa mga zookeepers.

Ipinaliwanag pa ng zoo na ang unggoy na kumaladkad kay Punch ay malamang na ang nanay ng kalarong unggoy na kanyang nilapitan. Bagama’t mukhang malupit sa paningin ng tao, sinabi ng zoo na walang unggoy ang nagpakita ng seryosong agresibong pag-uugali kay Punch. Ito raw ay bahagi ng natural na pagdidisiplina habang natututo si Punch na makihalubilo sa kanyang pangkat.

Read also

Sanggol na nakabaon sa bukid sa Bayambang, hindi naisalba ng mga doktor

“In order to integrate Punch into other Japanese monkey troops, we anticipated that this challenge may arise. Although Punch has been scolded many times by other monkeys, no single monkey has shown serious aggression toward him,” dagdag pa sa opisyal na pahayag.

Hinangaan din ng mga tagapangalaga ang katatagan ni Punch sa kabila ng mga pagsubok na ito. Sa halip na kaawaan, hiling ng zoo na suportahan na lamang ng mga netizen ang paglago ng bata habang unti-unti siyang nagiging bahagi ng grupo.

“When you observe these disciplinary behaviors from other troop members toward Punch when he tries to communicate with them, we would like you to support Punch's effort rather than feel sorry for him,” ang pagtatapos ng kanilang pahayag.

Bukod sa kwento ni Punch sa Japan, may mga balita rin tungkol sa kalagayan ng mga hayop sa ating sariling bansa na naging usap-usapan din sa social media at umani ng samu't saring reaksyon.

Kaugnay nito, naging usap-usapan din ang reaksyon ng aktres na si Nadine Lustre at ng kanyang partner na si Christophe Bariou sa taxidermy exhibit ng yumaong elepanteng si Mali. Sa ulat ngKami.com.ph, nagpahayag ng pagkadismaya ang dalawa dahil sa tingin nila ay hindi ito ang tamang paraan para parangalan ang alaala ni Mali. Binigyang-diin nila ang kahalagahan ng pagrespeto sa mga hayop kahit pumanaw na ang mga ito.

Read also

AJ Raval, rumesbak sa basher na idinamay ang kaniyang anak sa galit online

Samantala, sa gitna naman ng matinding init ng panahon, naidokumento rin ang naging sitwasyon ng ibang mga hayop sa nasabing zoo sa Maynila. Ayon sa balita mula saKami.com.ph, makikita ang mga tigre na nagpalamig at lumalangoy na sa kanilang enclosure upang makaiwas sa panganib ng heat stroke. Ipinapakita nito ang mga pagsisikap ng mga tagapangalaga na panatilihing ligtas at komportable ang mga hayop sa ilalim ng kanilang pangangalaga.

Source: KAMI.com.gh