Netizens humanga sa kabayanihan isang 15-anyos sa kasagsagan ng bagyong Tino
- Isang 15-anyos na binatilyo mula Liloan, Cebu ang lumigtas sa halos 50 residente sa gitna ng pagbaha dulot ng bagyong Tino
- Kinilala ng mga netizen si Jayboy Magdadaro bilang simbolo ng tapang at malasakit sa panahon ng sakuna
- Marami ang nanawagan na kilalanin at bigyan ng tulong si Jayboy sa kanyang ipinakitang kabayanihan
- Ibinahagi ng mga netizen ang kanilang paghanga at pagkadismaya sa mabagal na tugon ng ilang opisyal sa lokalidad
Narito na ang paghahanap sa KAMI! Basahin ang mga balita tungkol sa iyong paboritong mga bituin sa pamamagitan lamang ng pag-type ng kanilang pangalan sa search bar!
Sa gitna ng mga kuwento ng pagkalugmok at pangamba matapos ang hagupit ng bagyong Tino, isang binatilyo mula sa Liloan, Cebu ang naging ilaw ng pag-asa para sa marami. Si Jayboy Magdadaro, 15 taong gulang mula Sitio Fatima, Jubay, Liloan, ay umani ng papuri matapos niyang iligtas ang halos 50 residente sa gitna ng malakas na pagbaha.
Source: Facebook
Ayon sa mga ulat, si Jayboy ay gumamit ng maliit na bangka upang masagip ang mga kapitbahay na naipit sa rumaragasang tubig. Habang patuloy na lumalaganap ang kanyang kuwento online, umigting din ang panawagan ng mga mamamayan na kilalanin ang kabayanihan ng naturang binatilyo.
Mabilis na kumalat ang kanyang pangalan sa social media matapos si Kim Burden Gothong ay humingi ng tulong sa Facebook upang makipag-ugnayan sa kanya. Nawalan umano ng telepono si Jayboy sa gitna ng baha at hirap makipagkomunikasyon, kaya’t hindi agad siya natagpuan.
Nang siya’y makilala, dumagsa ang mga mensahe ng pasasalamat at paghanga mula sa mga Cebuanong nakabasa ng kanyang kuwento. Isa sa mga pinakatumatak na komento ang nagsabing “Jayboy – 50, Liloan LGU – 0,” isang pahayag na nagbabadya ng paghanga sa kabataan habang ipinapahayag ang pagkadismaya ng ilan sa mabagal na tugon ng mga opisyal sa lugar.
Like and share our Facebook posts to support the KAMI team! Share your thoughts in the comments. We love reading them!
Isa pang netizen ang nagkomento ng, “Panahon sa katalagman, dili politiko ang unang motabang. Silingan ra gyud nato. Mao ni ang hero,” na siyang umani ng libo-libong reaksyon.
Para sa marami, ang ginawa ni Jayboy ay paalala ng tunay na diwa ng bayanihan—ang kusa at taos-pusong pagtulong kahit walang utos o kapalit. May mga netizen na nanawagan na mabigyan siya ng buong iskolarship o tulong sa kanilang tahanan bilang pagkilala sa kabayanihang ipinakita niya.
Ayon sa isang residente ng Villa Lara, siya at ang kanyang pamilya ay nakaligtas dahil sa kabayanihan ni Jayboy at ng ilan pang tumulong. Gumamit daw ang grupo ng mga sanga ng saging bilang pansamantalang bangka upang mailigtas ang mga residente sa rumaragasang tubig.
Sa social media, nagpasya ang ilang Cebuanong tumulong sa paghahanap kay Jayboy na personal siyang dalawin at bigyan ng mga munting regalo tulad ng pagkain, damit, at gamit sa paaralan. Ibinahagi nilang hindi nila nais na labis siyang mapressure sa atensyon, kundi iparamdam lamang na ang kabutihan ay may katapat na pasasalamat.
Sa mga komentaryo online, paulit-ulit na lumitaw ang katagang “Not all heroes wear capes.” Sa gitna ng pagbabalik ng sigla sa mga apektadong lugar, ang imahe ni Jayboy na nagmamanueho ng bangka sa gitna ng baha ay nagsilbing simbolo ng pag-asa—isang paalala na ang kabayanihan ay kadalasang nagmumula sa mga karaniwang tao.
Nitong Nobyembre 2025, dumaan sa Cebu ang Bagyong Tino na nagdulot ng malakas na ulan at matinding pagbaha sa maraming lungsod at bayan. Ang biglaang pag-apaw ng mga ilog at hindi sapat na drainage system, kasama ang mababang topograpiya ng ilang lugar, ang dahilan kung bakit mabilis kumalat ang baha. Libo-libong pamilya ang napilitang lumikas, maraming bahay at ari-arian ang nasira, at nagpahirap ang sitwasyon sa pang-araw-araw na pamumuhay ng mga residente. Ang sakunang ito ay nagpaalala sa kahalagahan ng maayos na flood control, disaster preparedness, at agarang aksyon ng pamahalaan at komunidad sa panahon ng bagyo.
Shuvee Etrata shares heartfelt message for victims of typhoons in Cebu Ibinahagi ng dating Pinoy Big Brother housemate na si Shuvee Etrata ang kanyang pakikiramay at panalangin para sa mga naapektuhan ng mga bagyo sa Cebu. Sa kanyang post, hinimok niya ang mga netizen na magtulungan sa pagbangon at magbigay ng tulong sa abot ng makakaya.
Kris Bernal reacts to DENR probe on controversial hillside project in Cebu Nagbigay ng opinyon si Kris Bernal sa isinasagawang imbestigasyon ng DENR hinggil sa isang proyekto sa burol sa Cebu. Ayon sa aktres, umaasa siyang matitiyak ng mga awtoridad ang tamang proseso upang mapangalagaan ang kalikasan at ang mga residente sa paligid ng proyekto.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
